11 febbraio 2010

Bon complean pre Antoni

Vuê al varès fat i agns. Pre Antoni Beline al jere nassût ai 11 di Fevrâr dal 1941.
Ta cheste zornade diviersis robis, che tancj a clamaressin coicidencis (ma cheste peraule no mi plâs masse...), mi puartin a rifleti e a ricuardâlu.
Ce aial lassât pre Antoni? Tant, par un Friûl che probabilmentri vuê al à tante dibisugne di int come lui, ma che compagns no si 'nt cjate cussì facil... (ma, no dut al è pierdût!)
Un Friûl che al va indevant plui par inerzie che par braure di jessi une tiere siore di un patrimoni inestimabil e che pluitost che alçâ il cjâf e pratindi il so, al è dispost a cori daûr cul cjapiel in man, simiotant chei altris... (ma, no dut al è pierdût!)
Un Friûl che al à dibisugne di un scufiot par sveâsi, parcè che durmint masse e cu la panze plene, tu coris il pericul di lassâti scjafoiâ di un rivoc. (ma, no dut al è pierdût!)
Auguris pre Antoni, e ancje se la situazion e podarès jessi miôr, o pensi, parcè che no dut al è pierdût, che tu nus disaressis "O salvarìn lis nestris animis cul tignî dûr" (Lc 21, 19) savint però ancje che si à "vê il coragjo di sunâlis, o disarès cun preference cuant che al coste di plui", come che al varès dit pre Checo Placerean.

4 commenti:

Unknown ha detto...

Ancje se no ai avut il plasè di congnosilu di persone, il mesac di Pre Antoni Beline mi sta avicinant a une fede semplic ma antiche parcè je la devozion de la int furlane, de i me vons di colors che la matine si ustanvin prijest par la ta i cjamps e la sere rientravin in cjase, anzi ta la stale, insiemit a la vacje riprodusint dut i dis la nativitat. Bon complean Pre Antoni, soi sigur che tu ses sore masse sore da la mont Amariane e tu preis par il Friul!.

Daniele Martina

p.v. ha detto...

bon complean pre toni
tu ses de clase di me mari,
tu varessis 69 agns.
vuè e je joibe grasse
e mi àn rinovat le patent de machine par atris doi agns
cuissà magari tu tu lu sas cence che tal disi.

maman.

patrizia
p.s. sabide gianni e atris furlans
o sin las a contà di te
fur dal friûl
tu ur ses plasut ai talians.

Anonimo ha detto...

Bon complean PRE TONI ancje da bande noste,Stefania,Dino e fies.

www.viverearagogna.it

http://www.facebook.com/dino.temil

Anonimo ha detto...
Questo commento è stato eliminato dall'autore.