03 novembre 2008

Sintude in curve

Lunis zornade di coments sportîf e duncje cemût no comentâ il 2 a 2 dal Udin cul Gjenue. Tra lis scuadris rivadis in Friûl, cuasi ducj a àn dit che il Gjenue e je someade la plui ben organizade e, ancje se une vitorie nus varès tignûts bessôi parsore di ducj, nus è lade ben di puartâ a cjase un pont, stant che dopo il rigôr o sin lâts sot di 2. Ma o sin inmò là sù: gjoldìnsi il secont puest e il Milan al è dome a un pont!
Ma plui che di ce che al è sucedût su la jerbe, mi plâs ricuardâ ce che o ai sintût in curve...
A part lis tantis acuilutis zalis che a svolin su font blu, come pal solit si pues individuâ un gjenar ben definît di tifôs furlan: chel che al comente cence polse lis azions (pal solit metint in evidence i aspiets negatîfs) e che al varès simpri une soluzion ancje par cuant che magari lis robis no van tant ben, nancje che al fos il Grant Ct par antonomasie. A chest proposit, dopo che un nestri zuiadôr al veve passât la bale, ma in maniere no propit precise, si è alçât sù e al à berghelât viers la panchine in maniere che il nestri alenadôr al sintìs il so sugjeriment a proposit dal zuiadôr: "Butilu ta la plastiche!" al à vosât. Ce dî di plui: se no altri il sens civic de tifoserie al è cressût: une volte, cuant che o jeri piçul e gno pari mi menave in tribune a viodi l'Udin o sintivi a colâ dome "Sants, madonis e signôrs"... cumò almancul ti insegnin un tic di racuelte diferenziade...

Par savênt di plui sul Udin e il campionât, apontament su Radio Onde Furlane vuê a 9 e mieze di buinore cun "Un blanc e un neri" e cun Enrico Turloni joibe cu la trasmission "Il Balon al è di ducj" da lis 4 fint 5 dopomisdì.

12 commenti:

Christian Romanini ha detto...

Al è ancje di dî trop biel che al è vignî fûr de partide e viodi dute chê int ferme dongje des machinis cun taulin, cjadreutis, panin e tai che a comentin insieme e cun gust la partide: o pensi che ciertis robis che a insegnin cemût cjapâ il balon a sucedin dome a Udin... altri che plan di sigurece cuintri des tifoserie pericolose! Alè Udin!

Venusia ha detto...

Cheste ultime robe che tu âs scrit intal coment e je propite vere, chest al è propite un dai plui biei aspiets dal balon furlan, dentri porcos di chilo =D ma di fûr ducj am^is cul tai!
O ai però di fâti une retifiche! Chel siorut che al à sberlât "butilu ta la plastiche!" (e che mi soi pissade int^or di ridi) no si riferive a un dai nestris ma a un aversari che al veve fat un fal e al voleve cjapâ la punizion a so fav^or! =D
Mandi!

Venusia ha detto...

A proposit...se o cjati chel che o vevi daûr che al continuave a sberlami intes orelis:"dovete corere!" (cuntune erre) o "Aaaah, viot se robonis!" =) Ae fin o ai scugnût spostami di puest!! =P

Christian Romanini ha detto...

Mandi Ninine,
mi someave che chel che al à dit "Butilu ta la plastiche" si riferìs a un dai nestris, in câs contrari i domandi scuse.
Dal sigûr, come che tu disis ancje tu tal to secont coment, cualchidun dal public furlan al çuete di chê bande: o sin seconts in campionât, in corse in cope Uefa e inmò cualchidun al continue a jessi pessimist, criticon e pront dome a vuacâ.
No dîs di lassâ pierdi dut: cuant che al è cualchi erôr si pues ancje fâ une critiche, ma no tontonâ di continuo!
Mi plasarès sintî par une volte dome: "Fuarce Udin!" par dute la partide!
Dut câs l'impuartant al è che il nestri public al mertarès di jessi plui nomenât par il biel clime che simpri al regale, ancje se ogni tant al sbrisse cu lis critichis.
(ps. dopo dut ancje jo... ce fasio cumò, se no une critiche a cui che al critiche? ehehe...)

Venusia ha detto...

Beh, propite tu tu tabais di criticâ...=P
Dut câs e je vere, il clime che si respire al stadio al è masse biel, jo mi diviertìs simpri tant, o ai ancje fate amicizie cun dôs siorutis che no cognossevi!! =)

thermonuke ha detto...

Scusait parce no si telefonaiso invecite di continuale chi ;-DDDD

Christian Romanini ha detto...

thermo, se ti dîs che no ai il numar, mi crodistu? ;-)

Christian Romanini ha detto...

Une riflession su la tifoserie e je stade fate ancje a Radio Onde Furlane: o ringrazii Enrico Turloni pe citazion (achì o podês scoltâ un tocut de trasmission).
Come che al dîs ancje il Vicediretôr dal Friuli, Andrea Ioime: "se o vessin di partecipâ al campionât dai siviladôrs, o varessin za vinçût vincj voltis il scudet".
Sumo Furlans: ancje îr o vin dimostrât che o savìn sburtâ la nestre scuadre, fasìnlu dute la partide e no dome 20 minûts!!!
Fuarce Udin!!!

Christian Romanini ha detto...

Eh sì: la insonie e je une brute bestie... =(

Venusia ha detto...

gjelosat di thermo! ;P

thermonuke ha detto...

no je vere :-(
ma fruia une tastiere par une lujaneie cussi lungje sun t'une batude biele ma di meti curte mi somee un tic antiecologjic...:-(

Venusia ha detto...

ahahahahah!
fuart e vonde! =P