05 luglio 2007

Riunion Anci Zovins F-VJ

Ve ca une foto di grup de ultime riunion dal coordenament Anci Zovins F-VJ che e je stade îr di sere a Udin.
Fâ part di chest grup al è une vore interessant parcè che tu ti rindis cont che dut il mont al è paîs, o miôr, dut il mont al è comun. Dispès i conseis comunâi e ancje chês altris istituzions a viodin i conseîrs e i assessôrs zovins come "elements di disturp" par vie che la politiche (chê cu la p minuscule) e à i siei timps e no si à di rompi i tabars. E alore se a puedin, ti metin i bastons tra i rais e no je une cuestion di partît, ma di gjenerazions.
Dut câs, a part cheste considerazion un tic grise, cuant che o voi aes riunions mi divertìs une vore parcè che si cognòs ancje altris realtâts e dal sigûr il confront al è simpri costrutîf.
Te foto piçule lis nestris dôs sorestantis, Elia Vezzi (a çampe: vive la classe!), za sindic di Paluce, e Isabella De Monte (a drete), za vicesindic di Pontebe. O soi content che a coordenâ il nestri grup a sedin dôs feminis e dutis dôs che a rapresentin la mont!

6 commenti:

Christian Romanini ha detto...

In prin plan i doi responsabii pes iniziativis di politiche linguistiche: chel a drete pal furlan, cjalait ce biele divise zale e blu: mal àn fat notâ che no mi jeri nancje visât :-); a çampe invezit Kristian Tommasi pe lenghe slovene.

Christian Romanini ha detto...

sì sì... lu sai: o varès di metimi a diete!... :-D
Grazie a Igor pes fotos!

Christian Romanini ha detto...

E un mandi ancje a Miriam: come che o viodês ancje te riunion o vevin plene paritât: e cence nissun limit o imposizion di leç. Altri che leç eletorâl!

scafroglia ha detto...

guzzanti

thermonuke ha detto...

E a part chistis filosofies "grises" e il divertiment ce veiso fat di util?

Christian Romanini ha detto...

Duncje thermo. O vin preparât il plan di lavôr pe redazion dal nestri periodic informatîf e se tu âs un pocje di pazienze, tu leiarâs dut il resocont de serade sul nestri notiziari.
Ma intant ti anticipi che o vin preparât un document di mandâ al Enzo Marsilio, suntune cuestion che e rivuarde un probleme dai prâts stabii. Jo o ai relazionât su la riforme normative sul furlan e il gno coleghe Kristian Tommasi nus à dit alc ancje sul sloven.
Cun di plui o sin daûr a preparâ une cunvigne sul teme de politiche tra i zovins.