05 aprile 2006

Continuitât!


Continuitât: chest al è stât il messaç di fonde dal biel incuintri che al è stât li di Gardo.
Plene la sale e une sole peraule par ducj: CONTINUITÂT!

Continuitât a Rome cul Centridrete e Renzo Tondo
Continuitât a Udin cul Centridrete e Adriano Piuzzi
Continuitât a Maian cul Centridrete e Claudio Zonta.

Ps: di bon coleghe Renzo Tondo al à volût a ducj i coscj saludâ Rene in cusine! Mancje mai che i vansi in tic di timp e tra Rome e Tumieç si ferme a taiâ la sopresse a Puint de Ledre… o ai scugnût purtâlu vie che al veve za metût sù il grimâl: e cui lu ten!

13 commenti:

Christian Romanini ha detto...

dut câs dome une racomandazion: lait a votâ cui che o vês voie e cui che us pâr, ma al è impuartant lâ a votâ!!!
Il parcè? Se cualchidun al jere lunis al à vude une rispueste... Invezit par chei che no jerin: lâ a votâ al vûl dî vê la ocasion di jessi part ative tal destin dal nestri comun.
Votait di ca o di là, ma visaitsi ancje che pal Comun al è impuartant meti il cognon dal candidât conseîr: cun 100 e rots di lôr o pensi che nol sedi un probleme cjatâ un cognon par dâi une preference.
Domenie e lunis lait a votâ e pal comun visaitsi di scrivi une preference pal candidât conseîr!
ps: nol esist il "voto disgiunto": atenzion a no fâsi anulâ la schede!

Par chês altris schedis (Provincie, Cjamare e Senât) invezit al baste fâ une crosute sul simbul: une sole crosute par ogni schede.

thermonuke ha detto...

Finalmentri un pocje di frice!

MaxPola ha detto...

thermo: e soi che rît denant dal pc di besol :)
...di bon che soi dimissionari, cusì i colegas no disin nuie :)

Christian Romanini ha detto...

thermo: Rene e merte rispiet, va planc... no ti parial di jessi un tic sbrissât?...

MaxPola ha detto...

dai, christian... al scherzave... Rene e a il rispiet di duç... e pensi che nissun al vedi alc di dì su di ie...

Christian Romanini ha detto...

le ai capide, ma par evitâ... ancje parcè che se un al sgare, Rene no à bisugne di nissun par difindisi: ju fâs cori ducj cu la scove! :)

thermonuke ha detto...

J scherzavi e poi di me e' a pore, o aj apene cjolte la pale di svangje!

viot di viodi ha detto...

n1 thermo tu ses simpri el solit!

n2 viodint el comment ch'al fat su chel che al'ere sentat dongje di te che atre sere in ''gnovis in curve'' mi par ch'al sedi dut fur strade

n3 nissun rive a dimi cui ch'al'è ingresso

n4 p38 nol'è chel che o pensavi e nancje mistercoerenza

viot di viodi ha detto...

dato che il post su wojtila al'è già stat gjavat o volevi nome visà ''vergognati'' che i ahi rispuindut e ch'al pò lei le rispueste accedint a l'archivi!

Christian Romanini ha detto...

ducj i post no vegnin gjavâts, ma a van in automatic tal archivi...

viot di viodi ha detto...

n1 ce che al'ere di dì, al'è stat dit. ce che al'è di fà lu viodarin di martars in denant. o soi entrat in chest blog fasint i complimens al so titolar e in te stesse maniere mi congjedi.

n2 mi dislpas so soi stat masse dur o mal interpretat di qualchidun ma no jè tristerie a jè nome une sane e genuine esuberance.

n3 viodet di no fa capeles cun che menade dal voto disgiunto!

n4 vait a votà che podè esprimi el propri parè al'è impuartant. a no nus samee une robe normal ma tante int in tal mont no pò falu

n5 fuarce udin e mandi a ducj

ps: mi romp veramentri i cojons no savè cui c'alè ingresso

Christian Romanini ha detto...

Viot di viodi: grazie di dut e ten presint che cheste iniziative e larà indenant ancje dopo. Duncje o varessin gust (jo sigûr ma o pensi ancje altris) di leiti ancje plui indenant. se no altri pe "analisi dal vôt": apontament lunis di sere par viodi des politichis.
Intant a son za tacadis lis previsions...
a prest

Christian Romanini ha detto...

Di politiche, dopo miezegnot no si fevele plui fin Lunis, ma o cirarai alc altri par passâ un moment achì distès...