26 settembre 2007

Mozion trasversâl a pro des leçs di tutele linguistiche.

Il consei comunâl di Maian, su mê propueste al à aprovât une mozion a pro des leçs di tutele des minorancis linguistichis.
Achì us met il test de relazion introdutive e tal prin coment definitîf aprovât ae unanimitât di dut il Consei comunâl di Maian.

Relazion introdutive: relatôr Christian Romanini (Forza Italia)

Par introdusi cheste mozion, o volarès domandâ dome cualchi minût par ricuardâ une figure fondamentâl par dut il Friûl e i furlans: pre Toni Beline, mancjât ai 23 di Avrîl dal 2007.
Pre Toni cualchi volte al vignive ancje a Maian a cjatâ une sô sûr che e je nestre concitadine.
La muart di chest predi, inteletuâl, furlanist e lasse un grant vueit no dome par chei che lu àn cognossût, ma soredut par dut il popul furlan che, ancje se no ducj si rindin cont, al è restât plui puar.
La maniere piês par ricuardâlu al sarès limitâsi a sempliç discors di circostance, dismenteantsi di ce che al à dit, scrit e puartât indevant.
Ta chest moment storic li che ancje in Regjon e je daûr a puartâ in aule la gnove propueste di leç pe tutele de lenghe, al sarès stât impuartant vêlu inmò cun nô cu lis sôs riflessions e invîts a no vergognâsi de nestre identitât furlane, invidantnus a jessi braurôs di ce che di plui fuart e biel o vin te nestre culture: la nestre lenghe furlane.
Ta cheste setemane, cjârs coleghis, Us ai cun plasê fat vê une copie dal so libri “Une scuele pai furlans” li che e ven fûr dute la fuarce profetiche e la grandece inteletuâl di un om che nol è stât dome un grant esponent dal mont culturâl e predi, ma ancje un mestri che za 30 agns indaûr al veve anticipât temis e esperiencis che vuê o sintìn tant a fevelâ.
O speri che la leture us vedi dât sponts di riflession e stiçade la curiositât.
O ai vude la furtune di cognossilu di persone tai ultins mês de sô vite e mi auguri che il so testament inteletuâl al podedi jessi pardabon chê semence che e cressarà simpri di plui ancje cumò ce lui al à lassât cheste esistence terene. In cheste ete globalizade e cu la tindince a omologâsi, ducj, ancje i singui comuns e i singui conseîrs comunâi a àn il dovê di difindi la identitât de nestre int, tacant dai plui piçui za tes scuelis, parcè che al è di bant cjalâsi ator pal mont se no si cognòs di dulà che si ven. Dal sigûr, cjapant cussience de nestre realtât nus sarà ancje plui facil frontâ lis grandis sfidis ator pal mont.
Dut chest duncje par sierâsi tal nestri “curtîl”, ma te convizion che dome valorizant il “particolâr” si pues pandi une culture de integrazion tra lis identitâts difarentis presintis in Europe e no dome, ancje tal nestri comun e te nestre regjon: par chest la mozion in argoment e fâs riferiment ancje aes comunitâts slovenis e gjermanofonis de nestre regjon, propit intune vision di Friûl tant che esempli e laboratori par une convivence tra i popui, duncje intune solidarietât tra comunitâts linguistichis.
Juste ai 26 di Setembar il Consei di Europe, e no un gruput di “cuatri furlaniscj”, al à fissât la zornade europeane des lenghis disint a clâr trê principis di fonde:

  • La Europe e je plurilengâl e lu sarà simpri;
  • L'aprendiment des lenghis al ufrìs une oportunitât ai citadins;
  • Ognidun al è in stât di fâlu.
I rapuarts internazionâi a àn dibisugne sì di une lenghe francje internazionâl, ma al sarès secont me contraditori fevelâ di Europe cence visâsi des lenghis locâls: chest lu disin lis normis europeanis.

Come che al à dit ancje cualchi timp indaûr il president de Sardegne Soru “No capìs parcè che noaltris o vin la responsabilitât di protezi un nuraghe, di protezi e salvâ cualchi piere di une citât puniche e magari o vin di lâ a pierdi une robe vive tant che la lenghe, che e fevele di nô centant di plui di un muret punic: e fevele di un popul e di une storie cent mil voltis di plui di cuatri pieris metudis in rie”. E o soi convint che ancje pre Toni le varès pensade te stesse maniere ancje se noaltris no vin i nuraghis, parcè che no je une cuestion ni di colôr politic ni di origjins, ma di valôrs di fonde di un popul, che al sedi sart o furlan, ma tal stes câs popui che a àn voie di frontâ la sfide de globalizazion cu la lôr muse e cuntun element identitari ben definît, ma in pericul.
E cumò vignint al detai de mozion presentade, o scuen dî che la propueste di leç in esam in consei regjonâl e je stade argoment di un lunc dibatiment chest Istât: tancj pas indevant a son stâts fat, ma si pues miorâle inmò e no si à di sbassâ il nivel di atenzion. Ve chi la mozion che us lei...

14 commenti:

Christian Romanini ha detto...

Il Consei Comunâl di Maian

tignût cont che la tutele linguistiche e je un dirit des 12 minorancis linguistichis storichis ricognossudis dal Stât e un dovê istituzionâl, che nol pues jessi sbandonât ae spontanietât;

cjapât at dal risultât dai lavôrs de Assise des Rapresentancis dal Friûl, davuelte a Udin ai 11 di Setembar dal 2007;

tignût cont che furlan, sloven e todesc a rapresentin un patrimoni che no si pues rinunciâ te nestre regjon, a contribuissin a definînt la identitât;


cjapât at che la presince maioritarie in Friûl di comunitâts che a fevelin un lenghe divierse di chê dal stât e rapresente, in dì di vuê, une reson fondamentâl par mantignî il regjim di specialitât de Regjon Autonime Friûl-Vignesie Julie;


su la fonde di ce che za al è definît de Costituzion de Republiche taliane (in particolâr dal so art. 6), des leçs statâls di tutele des minorancis linguistichis storichis (482 dal 1999 e 38 dal 2001), dai rispetîfs decrets di atuazion, e des convenzions internazionâls firmadis o za ratificadis dal stât talian;

visantsi che la finalitât prime di chestis normis e je il rispiet dai dirits civîi, tacant di chei linguistics, dai citadins che a son part des comunitâts di minorance: dirits che a àn di jessi sigurâts, prin di dut, dentri dal sisteme scolastic, de aministrazion publiche e dai mieçs di comunicazion;

marcant la funzion fondamentâl de Regjon tal fâ partî l'atuâl procès legjislatîf di tutele e il rûl fondamentâl di Comuns e Provinciis, singui o in forme associade, tal dâ plene metude in vore des normis di tutele des minorancis linguistichis, sigurant cussì paritât di tratament a ducj i citadins che a son part di chestis comunitâts;


AL DOMANDE

che il Consei regjonâl dal Friûl-Vignesie Julie al garantissi cui proviodiments legjislatîfs necessaris la tutele e la valorizazion des lenghis furlane, slovene e todescje e cence pas indaûr rispiet ae leç regjonâl 15/96 e ae leç statâl 482/99 e dutis lis normis in vore e che e al promovedi, tes scuelis dal Friûl-Vignesie Julie, la cognossince des lenghis, storie e des culturis des diviersis popolazions che a convivin ta cheste regjon come part integrant dal studi de storie e des culturis europeanis e dal mont.

http://www.ilgiornaledelfriuli.net ha detto...

dut ben a part il risalt all'Assise che no jè rapresentative di un cass (se mi è consentit dilu...)

Furlans de diaspore ha detto...

"parcè che al è di bant cjalâsi ator pal mont se no si cognòs di
dulà che si ven."

Di scrivi sule piere !

Christian Romanini ha detto...

mandi Norman, grazie!

Christian Romanini ha detto...

mandi Albert, grazie.
forsit lis Assisis (scusait, in realtâl al varès di jessi plurâl, ma ancje jo o continui a clamâle al singolâr... bon dai, no je cheste la cuestion...) no saran rapresentativis di dut.
Tu tu âs marcât plui voltis la tô posizion e al è just che tu lu fasis.
Il riferiment a chel event, mi à semeât impuartant parcè che dut câs mi à parût obietivementri une robe che no capite tal dispès.
Po dopo, o podìn discori e jentrâ a fonts te cuestion, ma dal pont di viste dal contest, mi semeave just ricuardâ chest ultin apontament che al è sucedût.

http://www.ilgiornaledelfriuli.net ha detto...

Christian tu as fat ben a fà ce che tu as fat... però permetimi di restà de me opinion...

...l'Assise e je stade dome un assist a Illy

thermonuke ha detto...

d'acordo cul judizi dal assist

Christian Romanini ha detto...

Forsit lis Assisis dai 11 a àn coventât come assist par Illy: dal sigûr il president de regjon al è daûr a vignî fûr intune posizion fuarte di chest dibatiment, purtrop par noaltris dal centridrete...
Però al è ancje di dî che la plui part dal centridrete e à fat ben pôc par cjapâ in man in maniere positive la cuestion de gnove leç di tutele linguistiche: dome la Lega Nord (Violino, Guerra, Follegot e Franz) e Massimo Blasoni di Forza Italia a àn presentât une propueste di leç sul argoment. Roberto MOlinaro (Udc) ancje se al à vût un passaç che no mi à plasût, al à fat diviers biei intervents. Il rest al è avonde avilent: chei altris a àn dome trat cuintri (AN e ancje in Forza Italia: Camber, Asquini...). E cussì il centridrete in consei regjonâl si è lassât scjampâ une ocasion di aur e je à regalade a "Illy e compagni". A son sieltis, pal amôr di Diu, ma dopo no si à di sperâ che ducj a sedin dacuardi. E di chest mi displâs une vore, parcè che o vevi plui voltis segnalade la impartance dal argoment ai conseîr di Forza Italia: l'unic che mi à dât atenzion al è stât Massimo Blasoni e di chest lu torni a ringraziâ.

http://www.ilgiornaledelfriuli.net ha detto...

o volevi dì... par no jessi masse trist... che l'Assise o lis Assisis e son stadis maneadis dal centri-cjampe...

tu Christian tu ses une eccezion dentri de desolazion dal centri-drete...

thermonuke ha detto...

Dut chest to silenzi sul consei di martas mi sune strani...

e l'interogazion ,
e le letare,
e i ritornos...

Dipo o ai let ir il messagjero, oltre a cheste mozion (e ae to muse 10 chilos fa...) o ai lete la declarazion dal "figlol prodigo", e mi soi impensat di un to post dal 28.04.2006:
Cun cheste mê sielte, o declari (par chel che mi rivuarde) sierade une parentesi fate di tensions e contrascj, che cualchi mês indaûr e à viodût chest paîs protagonist de cronache


Ma che al sedi un ategjament che al rindi?





p.s.

Ti ano dite di sta cuzzo o setu a sujai les lagrimes a Marsio?

http://www.ilgiornaledelfriuli.net ha detto...

Sojo masse trist s'o dis che a mi mi plas AVRIL Lavigne e no MARZO Strassoldo?

http://www.ilgiornaledelfriuli.net ha detto...

Amenità.
Avete letto Il Piccolo di oggi 30 settembre?

Io sì, sinceramente divertendomi. Il pezzo in questione,'Il nobiluomo calunniato', è di Roberto Weber, quest'ultimo presidente del noto istituto demoscopico SWG.

I fatti:
Weber testualmente, nel suo sforzo statirico,afferma: "3. Strassoldo è maestro di statistica, uomo abituato a correre i mari tempestosi dei coefficienti di correlazione, delle regressioni lineari, delle tecniche di estrazione campionaria etc.; orbene prestigiosi Istituti demoscopici gli davano vantaggi variabili fra 10 e i 15 punti: solo un 'mona' non ci avrebbe creduto e Marzio non è 'mona'!

Solo un 'mona' potrebbe scrivere cose simili, ma Weber non è 'mona'.
Il 24 marzo 2006 fu pubblicato sul Messaggero Veneto un sondaggio politico-elettorale effettuato proprio dalla SWG presieduta da Weber recante il titolo 'Orientamenti di voto per le elezioni provinciali di Udine'. -
Alla domanda: "Se dovesse votare oggi per le elezioni provinciali a quale dei seguenti candidati darebbe il suo voto?" seguì la risposta: "Marzio Strassoldo, sostenuto dal centro destra 46,0 per cento; Giancarlo Tonutti, sostenuto dal centro sinistra 44,5 per cento."

Come si può notare non vantaggi variabili fra i 10 e i 15 punti, ma semplicemente 1,5 punti di vantaggio.

A questo punto possiamo formulare tre tesi, la prima:

Weber certamente non è un 'mona', ma solo un 'mona' potrebbe presiedere un istituto demoscopico che dava 1,5 punti di vantaggio a Strassoldo su Tonotti mentre 'prestigiosi Istituti demoscopici gli davano vantaggi variabili fra 10 e 15 punti'.


La seconda tesi:

Weber certamente non è un 'mona'. Considera 'mona' i propri committenti, in questo caso il Messaggero Veneto. Per questo, pur in possesso di dati raffiguranti vantaggi variabili di Strassoldo tra i 10 e i 15 punti, fornì al quotidiano committente dati diversi.


La terza tesi:

Weber certamente non è un 'mona', anzi forse un giorno leggeremo sui libri di storia locale che è per merito di Weber che Strassoldo potrebbe rassegnare le dimissioni. Rendendo noti i dati di un sondaggio in modo difforme dal vero, rafforzò in Strassoldo la convinzione di poter perdere e lo indusse a stipulare altri patti, oltre a quello con Tavoschi, ancora non venuti alla luce.


Weber non è 'mona', ma solo un 'mona' potrebbe pensare che, nella nostra regione, tutti abbiano memoria corta e non si ricordino del sondaggio pubblicato sul 'Messaggero Veneto' il 24 marzo 2006.

Ecco dunque come si dice 'mona' in lingua friulana.

thermonuke ha detto...

par cui che nol cjate l'articul



p.s. par AdC, conosial luvushan?

http://www.ilgiornaledelfriuli.net ha detto...

Thermo, mi somee di cognossilu, ma o volevi dome lassà un indizi par Tommaso Cerno parce che se no non rivave a individualu...