13 settembre 2009

Alè Udin!

Vuê o ai screât l'abonament!
Ma ce sudadis! Massime pe prime part de partide...
O miôr plui che sudadis, a jerin lagrimis...
Eh sì, cjatâsi in svantaç cun 2 pirucis cjapadis tai prins 45 minûts nol jere biel.
E po o ai ancje scuviert che chês dal prin timp no jerin lis unichis lagrimis: di fat cuant che o ai compradis 2 butiliutis di 0,5 lt di aghe e lis ai paiadis 4 euros in dut, mi è vignût il suspiet che a vessin propit imbutialidis lis lagrimis de Madonute di Madone di Mont.
Po ben, a part monadis, a la fin l'Udin al à recuperât e grazie al cjapitani Di Natale (te foto la mê tifose preferide, contente pe triplete di Totò) o vin fat 4 gôi: 1 par ogni euro di aghe che o ai comprât...
Alè Udin!

2 commenti:

ninine ha detto...

alore la prossime partide o comprìn dut il boç di aghe!!!! =)

Anemone Viola ha detto...

alore jot di cjoli simpri di bevi...a second di trop che i pierdin mi raccomandi!!!

http://anemoneviola.style.it