01 luglio 2009

Cjaminâ

Vêso mai stât di Vençon a Sant Tomâs? Sì, a son sù par jù 20 km che par solit si fasin in 20/25 minûts a seconde di trop che tu coris cu la machine e dal trafic che tu cjatis par strade. E a la fin ce ti restial? I semafars tra Glemone e Osôf? Il passaç de ferovie o la zone industriâl di Riul? La dople curve di Cumierç?
Ma fâju a pît (e passant par Glemone e pe campagne dongje dal Tiliment a deventin in dut cuasi 35km) al è dut un altri gust. Provâ par crodi. Come che o vin fat jo e Venusia cun altris 70 di lôr partint a 6 di buinore di li dal Domo di Vençon e rivant a Sant Tomâs li de gleseute di Sant Zuan tor 6 di sere.
No je stade dome une esperience di fadie, ma une maniere par tornâ a cjatâ i timps naturâi dal moviment, gjoldint dal paisaç, dai profums, dai colôrs. Une esperience di riscuvierte interiôr su lis olmis di chei che par secui si son spostâts a pît... cui par necessitât, cui par fede, cui par motîfs difarents.
Al pues someâ fûr dai timps, ma e je une esperience che o consei parcè che il viaç plui interessant tal cjaminâ a pît al è chel dentri di se.
Un grazie a Marino e Marco par vê rindût pussibil chest.


Visualizzazione ingrandita della mappa

2 commenti:

Daniele1984 ha detto...

Cjaminà je qualciosule di sotovalutat in cheste societat velos duc quattro o doi ruotis, telefonins e imediatece.
Jo che soi masse ansios ai simpri trovat tal cjamina a lungo e ta l'ort une rispueste, une soluzion. Planc a plac cence frete un omp al cres, come il Formadi di Latarie plui stagjone plui je bon!.

Buine serade,

Denel M.

ninine ha detto...

Vere, ancje jo o ai vivût chest plasê, chest passaç dal timp plui lent e plui silenziôs, chê grande robe che e je la riscuvierte di se stess e de fadie, ma ancje de contentece di jessi rivâts, che e devente un alc di grant, propite parcè che al è stât dûr e fadiôs. Une grande biele esperience, che o speri di tornâ a fâ al plui prest, magari no in Italie...;)