09 giugno 2007

Une flabe che mi à fat propit zirâ i cjarsons...

Al jere une volte un cavron che, fermât li dal laip in place, al viodè un mus che si svicinave.
Prin che i disès alc, il cavron lu à cjalât e si è metût a ridi disinti “Mandi bec!”
Il mus, di grîs che al jere, al è deventât di ducj i colôrs e cidin cidin al à zirade la code e al è lât cun chê che al jere vignût.
Mi zirin i cjarsons cuant che il cavron i dîs “bec” al mus e inmò di plui mi zirin cuant che il mus i continue a lâi dongje a chel cavron che al varès dome di tasê e stâ peât tal tamar.
Ma chel che mi à fat zirâ di plui i cjarsons al è il vilan, che viodût a rivâ te stale il mus dut avilît i à dit “Sù su no stâ a avilîti”... Ma dopo invezit di dâi une legnade al cavron a pene che i capitave a tîr, il vilan al è lât a cirîlu e i à puartât une biele bale di fen di chel plui bon e profumât.
E chest a lis pioris no ur è lât masse ben e ancje a mi no mi plâs come finâl de flabe.
La miôr robe e sarès chê di dâi une legnade al vilan, al cavron e ancje al mus, ma stant che no si pues, cui mi judial a gambiâ il finâl de flabe e a inventânt un plui just?

4 commenti:

thermonuke ha detto...

Mmmmh cripticute ma les soluzions e son dos:

1. tu le as cun me e cui integralisms ideologjics che probabilmentri duç e doi e vin ma no rivi a individua dutis lis bestis.

2. e jentre cul post dal 6 di iugn su Traversetul;
jo o ai decidût di no lâ jù par une schierie di motivazions che o disarai ca di un pôc
e
al moment just o fevelarai di cheste cuestion e in ce maniere che e je stade gjestide dai "sorestants".
ma ancje chi al e vonde dificil individua dutis lis bestis.


Tal prin cas, c'o dubiti, come cjhe tu disis tu no mi sposte, pero vaticjave tu podevis sedi un tic plui clar ti ai simpri tacat cence masse rebus.

Tal secont che o presum induvinat tu podaressis da cualchi indizi di plui (ancje se il cavron mi par di velu induvinat).

Ce si vincial? El derit di gambia el final?

Christian Romanini ha detto...

Thermo, une flabe e je une flabe... sumo...
però il finâl si pues tornâ a scrivilu, indipendentementri.
Viodìn cui che al fâs miôr, dai!

thermonuke ha detto...

Analizadis dutis lis variabil, el final nol gambie, par vie des piors.

E somee strane ma e je cusii.

Ma dopodut e je une flabe no?

Christian Romanini ha detto...

Une flabe e reste une flabe... tu âs reson, però...