05 novembre 2008

Designazion de Provincie di Udin tal Cda ArLef

Usgnot o ai voie di condividi cun ducj voaltris letôrs di chest blog une biele notizie che mi rivuarde... vuê o ai ritirât il decret firmât dal president Pietro Fontanini: la Provincie di Udin mi à designât so rapresentant dal Consei di Aministrazion de Agjenzie Regjonâl pe Lenghe furlane.
Prin di dut o ringrazii il president Fontanini che a sorprese mi à proponût. In veretât no me spietavi e o dîs cun emozion che cheste designazion mi fâs pardabon, ma pardabon, un grant plasê. Par me e je une biele gratificazion e o speri di jessi a la altece di cheste grande responsabilitât. O ai za visât lis personis che mi son plui dongje: unic displasê al è di no vê podût condivi cheste notizie cun pre Antoni Beline, ma o sai che di là sù lu à za savût ancje lui.
Come che o vevi za dit cualchi dì indaûr, la Regjon e à za fat lis sôs nominis. Cumò al mancje dome il rapresentant de Anci. Di fat o fâs une piçule retifiche, stant che mi somee che pe Universitât al sedi il prof. Roberto Dapit e i components che a rapresentin la provincie di Pordenon (scjadince tal 2009) e la provincie di Gurize (scjadince tal 2011) a restin in carghe fint che al dure il mandât dal ent che ju à nomenâts.
Stant che cualchidun al domandave, come chel al è just, di cognossi il curriculum dai components dal Cda, o speri che almancul su la mê persone i letôrs di chest blog a vedin avonde informazions... se no: o soi chi!

33 commenti:

Simone Bressan ha detto...

E cumò cui ti sopuartial?? :-))

O soi pardabon content ancje jo!

Mandi biel!

Christian Romanini ha detto...

Mandi coleghe e grazie!

Aldo Rossi ha detto...

Tu saras tal Cda dal Arlef, ma prove pensa su feisbuck, cui ca mi à dât la so amicizie :-)? Pense pense ... !

AR

Ps: complimenz

thermonuke ha detto...

Lassù cualchidun ti ul ben....

(e bastave une foto plui piciule...)

Venusia ha detto...

O concuardi cun Thermo su la foto...

Venusia ha detto...

Ueh, Christian, ma ducj chei invidios che ti scrivevin dome tristeriis dulà sono finits? ;)

Unknown ha detto...

Soi content Christian...i zovins van indenant.Invezit il Pd non sarà bilenghe, j'ai scrit lor che je un grav eror!.
Mandi Daniele M.

surisin Toni ha detto...

Augurons!

thermonuke ha detto...

Beh ninine tal lassu ti ul ben no jeri piritual, no no, vonde agnostic ....

checo ha detto...

Ninine,
probabilmenti, ispirade di un tic di braurute stiçose, tu ti riferivis ancje a mi tal domandati dulà che son lats i "invidios" di Christian.
Pe veretat no soi par nie invidios di Christian, o crot che lis sos incarghis e sedin une vore fadiosis e cjariadis di responsabilitat, o crot che Christian e sedi une buine siele par Tondo come segretari, une biune colone pe Patrie, un valit colaborator di certs gjornai e par ultin une buine risorse pal ARLEF.
Jo no ài nissune competence di ches che Christian al à e duncje ancje volint no podares invidiagj propit nie.
O contesti fuartementi dome lis incompatibilitas di varies naturis.

Chist al è il coment che iar tal dopodimisdì (dopo i prins 5) o vevi preparat e che no soi rivat a meti dentri par un inspiegabil bloc dal blog.
“Complimets, soredut bon lavor e ch'al sedi un lavor onest e fuart.
Competencis tun varessis di ve.
Dut cas o resti convint che nol sedi oportun che il segretari dal president de regjon al scrivedi sui gjornai, ch'al vedi incarghis in gjornai (finanziats de regjon) e cumò ancje incarghis in organisims de region!
Il sisteme DC-PSI, il CAF, l'ocupazion sistematiche di dut, e vie indevant no son mai finits e mai e finiran in Italie, tant mancul in Friul. Tant si cjate simpri un bon motif par justifica dut simpri.
Nol ven mai di di: “orpo grazie pe stime ma in chist moment o fas un lavor un poc delicat che no mi permet di ve le assolude libertat tal opera in chiste incarche”, mai, mai e po mai.
Satu ce ch'al da plui fastidi Christian? Che ogni volte che tu às di ponta certis sieltis tu scugnidis nomena puar pre Toni, no tu rivis a fa di mancul di dopralu par invuela e inflocheta lis tos sieltis?”
mandi Checo

Sandri Carrozzo ha detto...

Compliments Checo, di cuant che tu fasis coments ator pai blog tu ti metis di mestri di moralitât e coretece, cuntun stîl une vore personâl: une biele misture tra lustrâ lis scarpis e spudâ te schene...
O domandarai a Dree se al sa se Christian mi pues dî dulà che o pues cjatâ il to curriculum di mestri di moralitât.

Sandri

Venusia ha detto...

Checo, jo no ti ai nomenât, parcè te cjapistu?

checo ha detto...

Pe Ninine
no me cjapi, ansit, o volevi dome sclari le me posizion
maman, checo

Par Sandri,
no savevi ch'al coventares ve un curriculum par intervigni sui blogs!
Mi fasitu un esempli? Isal di fa un esamp? Si ae di domanda un permes di libertat?
maman ancje ti, checo

Sandri Carrozzo ha detto...

Checo, cjale che a ti no ti ai domandât nuie, anzit ti ai fat i compliments e o ai zontât un esempli dal to biel stîl. Dopo se no tu capissis cuant che un ti scrîf che i tiei coments a son dispès ipocrits e viliacuts, no stoi a pierdi plui timp a dîtal in maniere plui clare.

Sandri

Christian Romanini ha detto...

Intant, su la foto: bon... e sarà ancje un tic plui grandute dal solit, ma o vevi pûr di fâ viodi ben la scrite, no? :)

Christian Romanini ha detto...

Grazie a ducj chei che mi àn scrit i compliments.
Ma grazie ancje a cui che mi à tirât cualchi criticute, pardabon: jo no ai nissun probleme a jessi judicât su ce che o fâs e se cualchidun al à alc ce fâmi osservazion, lu ringrazii parcè che mi ricuarde che no ducj le pensìn te stesse maniere... e jo o dîs par furtune!

checo ha detto...

Sandri,
mi fasitu un esempli di dulà ch'o ài lustrat scarpis e dulà ch'o ài spudat te schene? O presei e critichi ce che mi par secont dal me pinsir fint cuant che e vif le liberat ufiarte dal paron dai blogs.
Tu mi acusis di iessi ipocrit? a mi no mi par, o crot semplicementri di esprimi ce ch'o pensi, tal ben e tal mal dal gno punt di viste.
se chist ti suste mi splas par ti, ma jo o soi libar e mi gjolt le me libertat, jo no ài afars e dipendencis ni cun politics, ni cun le regjon, ni cun le provincie (apart, come tancj, une domande di contribut pai libris e pe coriere di me fi) e duncje o soi plui furtunat di atris tal di ce ch'o pensi fint cuant che i parons dai varis blog (che o ringrazi pe ospitalitat, pal spatzi che ufrissin e pe utile oportunitat di confront) mal permetaran.
Forsit tu podaressis ve un pocje di reson sul fat dal "viliacut" pal fat che no mi firmi cun non e cognon ma chist nol è te me nature al dipint di un impediment che non pues risolvi par motifs une vore particolars, duncje o glot il to "viliacut". Content?!
mandi Checo

checo ha detto...

Just a pont di Arlef
o segnali a Christian (s'al à voe di fa un post) e ài soi blogarins che te Pagjen furlane de Vite Catoliche di cheste setemane i je une interviste di Erika Adami al gnuf president da l'Arlef prof. Lorenzo Zanon, e cun sodifazion mi par che lis intenzions e son une vore buinis. Starin a viodi i fats.
mandi Checo

thermonuke ha detto...

Boh jo no soi come checo che al riten che lavorant pe regjon no tu varessis plui di fa altri, di scrivi sui gjornai o di fa el publicist e v.i. ...

Distes però cualchi curiositat su crop che ti vuelin ben "lassu" le aj...

Cirint te ret ce isal l'Arlef:

o leievi el
statut
tal art.2 b) svolgere compiti di indirizzo e coordinamento dell’impiego dei finanziamenti che, a qualsiasi
titolo, vengono destinati dallo Stato e dalla Regione per la promozione e la tutela della lingua
friulana, esprimendo pareri e formulando orientamenti e indicazioni sulle iniziative di maggiore
rilevanza realizzate con il concorso delle risorse pubbliche


quindi come component dal CdA tu saras clamat a da un indiriz su la che van i bez de 482 vere?


e leint a pagjine doi sub 3 e a pagjnie 6 tai ents finanziats o dedus che tu saras clamat a decidi ancje su chel 1,3% (passat) che al ven dat ae Patrie dal Friul.

Fin chi nie di mal.
Però tu varessis di spiega mior ce rul che tu as te "patrie dal friul" juste par clari che no tu ti cjataras te strambe posizion di delibera finanziaments a un gjornal li che tu as une carghe no di pooc.

Podopo inmo une robe: o ai vidut chest incaric, dut ben ma mi plasares che tu clarissis che al e stat un incaric unic e finit che mi parares cetant stranit che tu vessis inmo carghes di consulence in t'un ent li che tu sos deventat aministrador.

Podopo sule cuistion se tu ses dipendent de regjon o dal McDonalds o lassi che si spitichi checo

Luca Peresson ha detto...

Mah, Thermo...
jo o mi limiti a augurâ un "bon lavôr".
O crôt che tra te e Checo -cheste volte- si sedi superât chel limit che intun rapuart normâl al puartares a presentâ lis scusis.
Fevelâ di contrats a timp determinât e colaborazions tant che argoments par contestâ un "conflit di interes" e je dome une maniere par fâ dal mâl a lis personis e ai progjets (tant che chel de salvaguardie e promozion de lenghe furlane). Alore al sares miôr esprimi une posizion limpide su la lenghe furlane cence metisi a pandi acusis che no an ni cjâf ni code.

Christian Romanini ha detto...

... cun dut che il contrat de mê colaborazion al scjadeve ae fin di Jugn e duncje cumò no ai propit nissun rapuart di consulence cu la Arlef.

... e il gno rapuart cu la Patrie al è chel di Vicediretôr di une redazion che e dipent di une Associazion che e à il so Consei, il so President dal dut autonims rispiet a la redazion.

Grazie pai auguris di bon lavôr, Luca.

checo ha detto...

Par Luca,
par chel che mi rivuarde o crot che le lenghe furlane e rivedi a jessi doprade in Friul parie il talian. Ti bastie?
Jo tal me piçul o lavori ogni dì par chist e par difindi le dignitat de me lenghe in ogni luc, e in puescj che pocs e varessin il coragjo di virgi bocje.
mandi checo

thermonuke ha detto...

Eco Luca!

viotu, e mi baste!

O ai fat domandis su robis che son te ret, no insinuazions.

Christian, ancje se rispuindint a ti, (che magari cun me un tic si e sustat, boh) al a sclarit.

Tu piutost tu insinuis che daur une richieste al sedi par fuarce un ategjament antifurlan.

Francamentri chist ategjament sustat di scugni simpri parasi daur di un complot antifurlanist o di aprova in nom de superior cause furlane lu cjati logorant e ae lungje squalificant.

Mi sbagliarai ma no crot di ve di scusa une ,malefede che no ai vut, mi sint invecit di ringrazia Christian par ve sclarit subit.

Lu vessial fat prim ator pai blogs al vares evitat acusis ben fastilioses e insinuant che, mi displas par te ma, no mi apartegnin.

Ma nol spiete a mi spiegai cemut fa.

Luca Peresson ha detto...

Uff Thermo...,
no ai fevelât di insinuazion (no stâ a scomençâ ancje tu).

Evidentementri no vevi capît l'intindiment des domandis. O ti domandi scuse.

Sandri Carrozzo ha detto...

Thermo, no pensi che tu fasis alusions o insinuazions, ma ti someial che vê fat une prestazion limitade di 30 dîs pe cifre astronomiche di 1.500 euros sporcs al vali la pene di jessi comentât o di dismovi la tô curiositât? O concuardi cun Luche che al è lâ parsore.
Checo, no dîs che i tiei coments a son ipocrits e viliacuts par vie che no tu ti firmis cun non e cognon, ma par vie che a doprin argoments pseudodemocratics e demagogjics par fâ atacs personâi une vore scorets. I esemplis no stoi nancje a fâtai, al è dut un continui. Se tu âs voie va indevant a fâ fenete di no capî, coerent cul to stîl.

Sandri

Scovacis ha detto...

Scusait! O ai cjatât on line un contrat di «colaborazion ocasionâl (...) sogjet Christian Romanini (...) durade une setemane (...) cun scjadince ai 6 di avrîl dal 1998». O volevi che Chris al precisàs che chel lavôr al è finît.

Lu domandi par fâi un plasê, prin, e dopo parcè che jo o pai lis tassis e cundiplui o zonti che o judi une vore il Friûl. In particolâr o stoi seguint un progjet cuntune superpotence foreste che è à decidût di pontâ il rilanç dal mont traviars de lenghe furlane. Il progjet al è concrêt e al sarà disvelât entri pôc, ma purtrop no pues dîus di plui o fâ nons parcè che o ai dai particolârs impediments che no mi permetin di fevelâ.

Scovacis ha detto...

Us propon un sondaç: dulà puartial il furlan il coragjôs Checo «in puescj che pocs e varessin il coragjo di virgi bocje.»? (Brrrrr...)

1) tal Partît Democratic
2) al Messaggero Veneto
3) in cjase di Bolzonello
4) a la organizazion de Barcolana

checo ha detto...

Dree
aghe agone un mar un ocean!

Jo o propon invesit che Romanin al viargedi un post par cjapa su propuestis di parta tal ARLEF.
mandi Checo

Sandri Carrozzo ha detto...

Brâf Checo! Anìn indevant cu la demagogjie!
Ce cordistu che cuntun post par internet si rapresenti ben e in maniere democratiche i furlans? E ce, salvìno il mont cun propuestis tant che "concors di miss maiute furlane bagnade" o "sagre de urtie in padiele"? E se tu âs cualchi propueste miôr, parcè no vierzistu tu un blog: parcè che tant la uniche robe che ti interesse e je sporcjâ la muse a cualchidun, fasint fente di jessi "propositîf".
E po almancul sâstu ce competencis che al à un conseîr di aministrazion?
Prin di domandâ che si bublichin i curricula di ducj par internet, va a leiti il statût de Arlef, che al è za publicât (http://www.arlef.it/arlef/statut/Statuto%20Arlef.pdf): Christian, tant che conseîr di aministrazion, ce propuestis varessial di puartâ?
Va a domandâi di vierzi un post o un blog propositîf a un conseîr di aministrazion de ARPA, de INSIEL, de Aziende Sanitarie o de Curie, viodìn lâ che ti mandin.

checo ha detto...

Sandri,
il post di Christian za ti rispuint.
Inoltri lis peraulis dal gnuf president Zanon (te interviste ae Vite Catoliche) mi samein za avonde claris e di buine volontat, son no di sigur di un cualsisedi metut lì semplicementri par alça o sbassa le manute.

Scovacis ha detto...

Checo, puescj periculôs plui di chei li no mi vegnin iniment, sastu?
Osti, se e je une robe che no rivi nancje a imagjinâ, cuissà ce pericolôs al è fevelâ furlan...
Par fortune che tu sês un che al à un coragjo che nol è di ducj: brâf! Bulo!

Sandri Carrozzo ha detto...

Magari lu dopre là de Lega Nazionale...
Lassìn pierdi va là

checo ha detto...

...aghe aghe e ancjemò aghe frutas,
nissun fastidi di partit