20 agosto 2009

Benvignût al gnûf Vescul di Udin

Udin al à un gnûf Vescul: Bons. Mazzocato (te foto) che al rive de diocesi di Trevîs (lait a lei sul sît de Vite Cattoliche).
Mi somee un ticut strani che la diocesi furlane cheste volte no vedi rivât a esprimi un sucessôr furlan. Bon, no mi somee il câs di fâ polemiche su di chest stant che ancje il Beât Betrant nol jere furlan e pûr al è stât un dai Patriarcjis plui impuartants de storie di Aquilee.
Cumò i tocje a Bons. Mazzocato puartâ indevant cheste ereditât e mi auguri dome che nol vedi pôre di judâ i Furlans a difindi la nestre identitât: a chest proposit mi à plasût une vore l'intervent dal President Fontanini che al à fat un precîs riferiment al Patriarcjât di Aquilee.
Mandi e benvignût in Friûl!

1 commento:

Sandri ha detto...

Il president Fontanin si riferìs simpri al patriarcjât bas medievâl, ma tantis voltis al sarès plui interessant cjalà chel paleocristian, studiât di Renato Jacumin, e langobart: in chê volte il vescul lu nomenave la glesie locâl, e par gno cont al varès di jessi cussì ancje vuê. Po dopo nol vûl dî che la glesie locâl, se e vûl, no puedi sielzi un trevisan o un di cualchi altre bande dal mont: dispès i patriarcjis dal prin cristianisim aquileiês no jerin nassûts ca, ma a jerin elets ca di nô e se un candidât nol plaseve, nol passave (anzit, un al jere fintremai muart intant di une votazion!)