Come ogni an cuant che si scree il Festival, ti rive pes mans ancje l'ultin numar di Majano Nuova, la riviste publicade de Pro Loco. O ai tacât a sfueâle e mi soi fermât a lei lis primis pagjinis che a son dedicadis al ricuart di Dino Bortolotti, mancjât ai 20 di Avrîl di chest an: za dome par chescj lamps di memorie, che mi àn tornât a puartâ a tancj episodis che ancje jo o ai vivût cun e grazie a Dino, il numar al vâl la pene di jessi metût vie e tignût cont. Grazie a ducj chei che a àn scrit chestis bielis pagjinis par une persone pardabon speciâl che e mancjarà no dome ta chest Festival, ma par dut il paîs.
Post
2 giorni fa
2 commenti:
Christian,
satu sal e' pussibil ve' une copie eletroniche de le "Majano Nuova"?
Iessint al estero, no ai access a le copie cartacee..
Mandi
Mandi forestpark,
al è clâr che no pues fevelâ a non de ProMajano. O pues dome dâti 2 conseis: tignî di voli il lôr sît internet (http://www.promajano.it/) e eventualmentri provâ a domandâur se a puedin mandâti il Pdf par pueste eletroniche (promajano@libero.it).
Mi displâs di no podêti jessi plui util, ma no son decisions che o pues cjapâ jo.
Dut câs o soi straconvint che ti rispuindaran dal sigûr.
maman e ogni ben!
Posta un commento