Vuê o ai stât a dâ sanc tal Ospedâl di Sant Denêl.Al jere un pôc che o vevi voie di tornâ a tacâ. Pe ocasion mi àn domandât di fâ une donazion di plasme, stant che il gno grup di sanc (AB+) al è universâl pal plasme: ven a stâi al pues jessi doprât par dutis lis trasfusions. Il plasme al covente in câs di incidents, operazions o ducj i câs li che il pazient al à patît pierditis gruessis di sanc.
Chest an la AFDS e fasarà i 50 agns di fondazion e pe ocasion e ospitatà il congrès di dutis lis sezions talianis.
(ps: un grazie al Dree pe maiute "Tu âs cjatât chel dal formadi")
Post
29 commenti:
Scuse ma... se tu vâs tal ospedâl metistu la foto intant che tu dopris il papagâl????
Mandi Sefe!!!
auauauauuah
no i vevi pensât: tu mi âs dât une ideone!!! ;-)
no ai peraulis....
E pensâ che pensâ che o volevi fâ un post seri...
...ancje parcè che al sarès di augurâsi di no scugnî lâ tal ospedâl...
tornant al teme dal post, o invidi ducj a informâsi se a puedin deventâ donadôrs di sanc.
Al è un at che nol coste nuie e tu puedis pardabon jessi util par cui che al à dibisugne
oltre a ve fat un bon gjest, cul ont che ti an gjavat, vue, patatines frites par dut el ospedal!
(ae muse de zornade di penitince)
E nus e lade ben che no si e fat le fotografie quant che al veve el cagot !! :-)
Seriamentri invesit, al e ains che o pensi di la a dona sanc ma no sai parcè no voi mai....
no je pore di fasi sbusà, e je dome pocje voe di movisi ancje se si gire simpri a tor...
Secont me e varesin di atrezzasi par fa chestes robes il tes fabriches ma le int cule storie che tu as une sornade di feries....
Us invidi a no sbrissâ masse su chest post: l'argoment al è seri, par plasê. Za jo o ai fat mâl a butâle in staiare al inizi e o domandi scuse.
Su la cuestion de donazion e je vere: e je dome cuestion di dîsi "Bon, vuê o voi". Il personâl dal centri di trasfusion al è propit brâf e se un al à ancje un tic di pôre, ti metìn subit calme.
Ranieri: no sai se la propueste di fâ tes fabrichis e à mani. La donazion e je un at delicât e par esempli, la machine che mi à fat a mi e je une sorte di centrifughe che e separe il sanc in part lincuide (plasme) e in part corpuscolâr (globui). No pensi che si podedi puartâ ator cierte strumentazion. E a int no pensi che e vadi a donâ sanc par pierdi une zornade di vore. chest che tu disis al è brut. :-(
Ranieri ti ricuardi che la nestre regjon e je prime in Italie pe donazion di sanc e cence une vere motivazion chescj risultâts no vegnin. No je cuestion di vê une zornade di stâ a cjase.
Ih ce dificile che tu le fasis...
O ai pur dit che tu as fat une biele robe.
Dome che a ti e vul une centrifughe plui fuarte par gjava el argjel.
In ogni cas, par siera acje sparades sul dono in fabriche o visi che:
ogni lavorator dipendent al a derit di iessi dal lavor par dono sanc periodic o ancje in cas di clamade di emergience e al a derit a une zornade di polse (che dal dono) retribuide.
E al e un derit recepit di duç i contrats coletif nazionai e che nissun dator di lavor si sumie di discuti o dinea.
(so stat vonde serio?)
Thermo no tu as dite nuie di gnuf, ducj a san che si à dirit a une zornade retribuide e che i contrats coletifs e rispietin.
E comunque, dato che tu ses tant spiritos, almancul Christian al à il coragjo di mostrasi a fa une biele azion invezit di te che tu critichis tant l'ardiel di chei atris ma nissun ti a mai viodut.
ehhhh...no covente che tu ti sustis cussi pero eh...
...però, un tic reson tu as, o ai mal intindut el coment di ranieri e o ai precisat une robe risavude...pasiense..
Se o rit dal argjel di Christian al e dome parche ancje jo...
E comuncue tu mi as viodut, al e che no tu ti visis....
par Chris:
pevarin el to avocat eh! e sgrifigne.... :-)
sù sù, thermo e ninine, no stait a barufâsi.
o vin sclarît e us ringrazii pai vuestris coments! In particolâr la ninine che mi difint (thermo, tiè: dute invidie :-P )
Alore thermo rinfrescjmi la memorie... =)
Mah ninine, cumò mi cridistu? ;-)
Heheheheheh! ;)mai dà masse ai oms...
Eccecaratar! :)
avocatese ninine,
si sin viudus sot feragosto ma jo no podevi diti nuje parceche no lontan di te al jere...
O donavi sanc cun co levi alis superiôrs. O vevin al nestri grup di donadôrs in te me scuele. ( e jere une zornade justificade libare, e dome chest al judave a cjapà su adesions )
Cumò' par trop che mi plasarês no pues, dal moment che in Americhe cui cal a vivût in Europe in tai agns '80, nol pues da' sanc. ( par vie de malatie BSE / vacje mate )
O varai di donà in Friûl ( so rivi a cjatà le me tessare ) cun co visiti al mes cal ven.
Mandi e buine Pasche !
In ce scuele jeristu?
maman e Buine Pasche a ducj i furlans ator pal mont
Thermo, cui jerial dongje di me e dulà erino??
a majan...
ustie, il misteri a si infitìs...
ninine a maian? e cuant? cence visâmi? ;-)
O scomenci a vê cualchi suspiet...
?
Posta un commento