Chest al è il coment che o vevi lassât sul blog di Paolo Ciani (te foto), promotôr di une iniziative secont me avonde discutibil te forme.O vin ducj a cûr la sigurece, ma la politiche no varès di provocâ ta cheste maniere.
Ve chi il coment (scrit tor miezegnot):
"Cheste iniziative mi fâs pôre, no tant pal fat che e sedi suntun sît web, ma parcè che e ven di un politic conseîr regjonâl che al varès di cognossi la vie istitituzionâl par risolvi problematichis dal gjenar. La nestre regjon e à dibisugne di une classe politiche e no di “oms de strade sticeboris”. O fâs apel al sens di responsabilitât e rispiet des istituzions che a varessin di jessi intun esponent di AN par che cheste iniziative e vegni sierade il prin pussibil.
Ps. Mi fâs plasê che il conseîr regjonâl Ciani si visi che e esisti la comunitât europeane che e fâs diretivis che a àn di jessi aplicadis tai stâts membris de Europe. Però i ricuardi al conseîr regjonâl Ciani che no esistin dome diretivis sul teme de sigurece (argoment une vore impuartant, come tancj altris): e je ancje la “Cjarte europeane des lenghis regjonâls o minoritariis (1992)” e la “Convenzion cuadri pes minorancis nazionâls (1995)”. Cun chest o vuei dome fâ viodi che e je une diference tra informazion e rispiet des normis e invezit comunicazion strumentâl che e puarte a fâ passâ dome di ce che si à voie di mostrâ. E ancje la maniere di cheste iniziative par frontâ la cuestion “sigurece” mi puce une vore di strumentalizazion.
Christian Romanini Conseîr comunâl di Maian (FI) che no je la targhe de citât di Florence, ma la sigle di Forza Italia che no mi pâr che al sedi un partît comunist."
Purtrop no lu vevi salvât e duncje ce che o ai scrit chi parsore al è ce che mi visavi: no mi spietavi che o varès scugnût spietâ par viodilu publicât. Duncje cualchi peraule e podarès jessi divierse, ma la sostance mi semee di vêle salvade.
Cuant che lu ai publicât tor miezegnot (i coments fint a chel moment a jerin 40), mi è rivât un messaç che mi diseve che il gno coment al veve di jessi valutât prin di jessi visibil. Sperìn che lu publichi prin di altris coments, parcè che se no mi podarès vignî cualchi suspiet che su chel blog di Paolo Ciani no dutis lis vôs a àn la stesse libertât di espression.
Post
5 commenti:
Mah, e sara pur discutibil te forme ma le sostance no.
Tu mi disaras che le me ideologje mi impediss di resona lucidamentri, cusa tu cjataras ancje uno foto come che di menia par dami inidrettamentri dal fassist ma no cjati nuje di cussi scandalos tal rivolgi un apel ai zitadins a denuncia aes furaces dal ordin, al stat, a chei che e an di protegjinus cule fuarce de leç situazions evidentementri anomalis o potenzialmentri pericolosis.
Al stara a chei che e an di falu valuta les situazions, pulizie carbinirs e vie indenant.
Un apel a ve fiducie in tes istituzions segont me al e mancut alarmant di une constatazion di sedi bessoi cuintri le malevite o un riclam a fa rondis di vigjilants o di auto"difese" armade...
Ma si sa l'isterie dal moment e fas ancje strarasona, a mi chej che organizin les spedizions punitives mi fasin rabie e dul ma ance pensa che a cescj estremos si rivi ancje (no dome) par pore e par un sens di abandon di bande di un stat che plui voltis si e rivelat assent (dopo al e ancje tal miec chel che al a gust di alcia lis mans scuadrist e xenofobo ma e je une piciulissime part).
Ti visi che el atual guviar al ere daur a sdruma le bossi-fini, a siera i cpt, a no manda indaur nissun clandestin nancje extracomunitari in non de tolerance e de acoglience par cui ancje le europe nus sta fasint oservazion.
Se dopo lu fas par cuatri votos e une cjadree, po stai, anzit cence altri, ma cun ce che stin viodinit ultimamentri no mi somee nancje tra i compuatraments plui vomitevui, sara che si stin usant a mangja mierde par cui alc di apene frait o macolat mi somee rosolio... boh!
Se podopo ti sta sui cojons parceche al a scrit sul Mesagjero che al e "AMICO DEL FRIULANO" beh, che e je un altre cuistion.
Ma, posto che Ciani al e di Buje, e che buJe le frecuenti un tic o ai scuviert une robe:
un ucielut di buje mi a dit che le sagre dai fasui le an fate lor aprofitant dal fat che cualchidun a Majan j a impedit a Mariute di fale culì?
Mi e ancje rivat pes mas un volantin di une serade dal 25.10 di une serade dedicade ai legums cun intervents di :
Fabiano Miceli, docent di Agronomie di Udin, Evelina Bertolissi miedi espert di nutrizion natural, Bertilla Prevedel coordinatrice di LadyChef Italia.
O ai cirut su internet e o ai cjatat chest.
Ma vutu che sedi vere?
Che a Mariute, dopo dutis lis acusis di immobilitat i vedi impedit di fa le fieste o che come i fasui cualchidun al vedi gust di tabaja par daur?
Utu che par chest Mariute e vedi molade....le carghe di assesore?
Vut
Mandi Thermo,
di fat l'inizi dal gno post al jere clâr: mi soi riferît a la forme parcè che ancje a mi la sostance mi interesse. La sigurece e je une prioritât ancje par me, ma ce che o speri di vê rivât a fâ capî al è che int come Ciani e dimostri ducj i limit di une politiche fate berghelant e vonde.
Mi fevele di Europe, ma di chê altre bande nol sa (o al fâs fente di no savê) nancje l'ABC.
E ce che mi dâ fastidi al è che si vedi voie di fâ passâ lis robis par chel che no son.
Al fevele di disponibilitât viers il citadin, ma cuant che un citadin (e jo mi riten un citadin) si permet di fâi une critiche, no dome nol rispuint, ma al evite di publicâ la critiche. E po si svant di jessi trasparent e disponibili al colegament cul citadin: masse comut vê orelis dome par cui che ti fâs i compliments. E su chest no ai nissune pôre a dî che Ciani al dimostre un grant limit. E dal pont di viste personâl no ai nuie: no mi sta dal sigûr simpatic, ma nancje antipatic. Ma pretindio masse che int, che e varès di vê responsabilitât dai destins de comunitât, e vedi la umiltât di studiâ?
Mi fevele di aplicazion des leçs: just aplicâ chês su la sigurece, ma alore parcè cuant che i ven domandât di aplicâ lis leçs che a rivuardin un argoment che no i free un caz, anzit che al è cuintri (tutele linguistiche), in chê volte lis leçs si puedin no aplicâ?
E po sul sît al scrîf:
valori, principi, COERENZA (?!?!?!)
Ma dulà? "coerence" indulà?
Tante sêt di poltrone e vonde. In chest sì: o viôt tante coerence.
Mah, nol sta a mi paralu ma leint un doi tre coments mi par che un par di critichis pesantis e acusis di scadrist i sedin rivadis.
Se dopo nol a publicat el to coment o se al fas el moderator preventif ciert nol fas une gran figure.
Dut cas o continui a cjata te to veemence le voe di puarta el discors sul so ategjament sul furlan, el discors de sigurece al e dome "veicolar" ancje se sule sostance tu ti declaris d'acuardi cun me.
Ae seconde no tu mi as rispuindut, no che mi frei plui di tant ma o indagarai...
Mandi Thermo
su la cuestion dai fasui no sai rispuinditi e duncje no ti ai rispuindût propit parcè che no sai.
Su Paolo Ciani o ai simpri plui il suspiet che nol sedi ae altece de incarghe che al à...
Il gno coment nol dopre il teme sigurece come "veicolâr". Il tiermin nol è just ancje se o ai capît ce che tu intindis. Jo ai cirût di mostrâ che cierts oms come il Paolo Ciani di Buie mi semee che e frontin il teme impuartant de sigurece in maniere strumentâl e sfrutant la onde emotive dal moment provocade di un gravissim fat di cronache.
Chei che a montin sul pulpit a àn di jessi pardabon COERENTS e no dome scrivilu e declarâlu: al è il risi di rindisi ridicui... e, (come che tu disis tu) di no fâ une grande figure, o miôr di fâ une grande figure di... (come che o disarès jo).
Stin a viodi ce che al sucêt...
Posta un commento