O segnali chest biel libri curât di Roberta Michieli e Giuliano Zelco: Vignesie Julie, la regjon inventade.Un libri di lei, parcè che la storie di chest teritori masse voltis nus è stade contade come che ur comodave ai sorestants. Ma probabilmentri la veretât e je une altre...
Grazie a Roberta, a Giuliano e a ducj chei che a àn lavorât.
Post
3 commenti:
o.t., par cui che al fos interessat usgnot:
L'economia e il futuro del Friuli, più Giustizia, meno Tasse, più sicurezza". Questo il tema del confronto sullo stato dell'economia in Fvg in programma oggi, alle 20.30 al Castello di Susans. All'appuntamento, aperto al pubblico, interverranno Renato Brunetta vicecoordinatore nazionale di Forza Italia, l'imprenditore Edi Snaidero e Roberto Asquini, coordinatore scientifico di Liberidea e candidato in Regione. All'appuntamento sono chiamati anche Renzo Tondo, candidato governatore, Pietro Fontanini candidato presidente della Provincia a Udine e ancora Adriano Piuzzi e Giovanna Iesse. Presenterà Claudio Zonta sindaco di Majano. Sarà l'occasione per riaccendere lo scontro con il governatore Illy sulle cifre dell'indebitamento regionale che è stato alla base della interruzione dei confronti diretti Illy-Tondo, per volontà di quest'ultimo, che ha cosí inteso denunciare l'eccesso di esposizione «da Paese sudamericano» da parte della giunta regionale uscente. Una polemica che è esplosa proprio nell'ultima settimana della campagna elettorale e che è destinata a protrarsi fino all'ultimo giorno utile prima del voto.
Nel 1981 mio padre Gino di Caporiacco pubblicava per i tipi di Chiandetti, Reana del Rojale, 1981, "Venezia Giulia la regione inesistente", precedentemente pubblicato a puntate su "Corriere del Friuli" (dall'ottobre 1977 al gennaio 1978).
Ora è evidente che ognuno è padrone di pubblicare ciò che ritiene, ma non sarebbe stato male che gli autori di "Venezia Giulia la regione inventata" si fossero, magari, discostati un pochino di più dal titolo al quale si sono forse (?) inconsapevolmente ispirati.
Mi riservo di leggere naturalmente il libro.
Al diseve un cert Giulio cu la gobbe che a pensà mal no l'è pecjàt...
Us met chi la recension jessude sul setemanâl IL FRIULI dai 11/04/2008
Che la propagande nazionalistiche e vedi vût il compit di creâ une cussience di “talianitât” pandint concets e ideis che a devin une clâf di leture di part dai fats e dai aveniments al è un dât che plui e plui voltis si à vût maniere di viodi dilunc de storie. Ma cheste analisi, ancje se e je dade par buine par regjims lontans tal timp e te gjeografie, inmò no je tant difondude par chel che al rivuarde il nestri teritori o chei dongje di nô.
Par rindi justizie a une realtât che e merte veretât e no proclamis sbandierâts in non di un idee centralistiche e talianone che e veve (e e à inmò in dì di vuê) chê di imponi une omologazion cence rispiets de pluralitât culturâl tipiche di cheste aree di Europe, al ven fûr “Venezia Giulia, la regione inventata”, edizions Kappa Vu 2008, par cure di Roberta Michieli e Giuliano Zelco.
“Il confin orientâl di Italie, che vuê al corispuint al teritori de Regjon Friûl – Vignesie Julie” e dîs Alessandra Kersevan, editore e autore de introduzion “Perchè questo libro” - e je inmò te mentalitât e tal imagjinari dai talians alc di dificil di capî”. Cheste mancjance di cognossince no je dade dal nivel di istruzion, ma di ingjerencis extrascolastichis “al rapresente un probleme no dome di nature culturâl, ma politic” e continue la Kersevan “la cognossince distuarte e cjate la fonde te mitologjie (par esempli chel de “romanitât”) invezit che su la documentazion e su la riflession”.
Si presentin ancje cualis che a podaressin jessi lis conseguencis di une ricercje e analisi obietive de storie di un teritori pardabon pôc cognossût: savê che chest confin si è mot plui voltis bande soreli jevât tai ultins 2 secui, cjapant dentri culturis e lenghis difarentis, al metarès in discussion tantis “sigurecis”, massime chê che e viôt il talian come chel che al puarte la civiltât.
“La cognossince de gjeografie storiche di chest confin” e continue la Kersevan “e oblearès oms politics, storics e condutôrs televisîfs a bandonâ chel ategjament vitimistic che a àn cuant che a fevelin di “tieris pierdudis”, riferintsi a la Vignesie Julie e a la Dalmazie o cuant che a fasin, par comoditât, tacâ la storie dal 1945, dant spiegazions etnichis e duncje razistis (colpe dai “slâfs”, o piês, dai “slavocomuniscj”) a fats che a àn spiegazions storichis politichis e sociâls”.
Come che si lei intune note di Enzo Collotti, storic che tal 2007 al comentà cussì la zornade dal Ricuart fissade ai 10 di Fevrâr par leç de passade maiorance di centridrete, no cence responsabilitâts dal centriçampe, “I paladins dal gnûf patriotisim fondât sul vitimisim des foibis a fasaressin ben a tornâ a leisi i proposits dai lôr paris tutelârs, chei che a fevelavin di superioritât de civiltât e de raze italiche, che a viodevin un nemì in ogni forest... Ce sano dai ultranazionaliscj talians che tal lôr odi antislâf a faserin cunvigne cui naziscj insediâts tal Litorâl adriatic, sul sfont de Risiere di S. Sabba e dai picjâts di vie Ghega?” (nol è di dismenteâsi che il teritori de nestre regjon dal 1943 fintremai al 1945 al jere za colât sot de aministrazion direte dal III Reich nazist: Adriatiches Kustenland, il Litorâl adriatic, come che al è ben metût in evidence di une cjartute gjeografiche a pagjine 43, n.d.r.).
Za des primis pagjinis duncje no mancjin lis acusis, che tai cjapitui seguitîfs a furnissin elements e argomentazions fondadis su ricercjis e documents.
Il libri si divît in cuatri parts che a cjapin dentri i contribûts dai 11 autôrs: Giorgio Banchig, Alessandro Carrozzo, Adrian Cescje, Licio De Clara, Alessandra Kersevan, Roberta Michieli, Carli Pup, Piero Purini, Donato Toffoli, Sandi Volk e Giuliano Zelco.
Il prin cjapitul al fevele de Vignesie Julie fint al 1954 passant de politiche espansionistiche dal fassisim, ai censiments de popolazion tra lis 2 vueris mondiâls, a la analisi dal patrimoni linguistic dal teritori de Vignesie Julie, a conferme de ricjece e pluralitât de cheste aree.
Il secont cjapitul al fâs un confront tra il Friûl e i teritoris dongje, cuntun viaç dilunc de storie di 25 secui tra cjartis gjeografichis, riferiments a la storie dai riviei furlans sot dal domini di Vignesie e un contribût dal titul “Questi Slavi bisogna eliminarli”.
La tierce part e fevele de nassite de Regjon Autonome Friûl -Vignesie Julie e di chel “tratut di masse”. Po dopo si ricuarde l'unic moviment indipendentis mai vût te nestre regjon, chel triestin, e lis posizions dal Moviment Friûl su la Vignesie Julie.
Il libri si siere cuntun cjapitul dedicât al “non” Vignesie Julie e al so ûs tal marketing vitivinicul, te scuele e la testemoneance in ricuart di une rifugjade nassude a Cjaudistrie tal 1893 e rivade a Udin tal 1950. Chest ultin intervent al à chê di cirî di recuperâ lis masse pagjinis sbregadis de storie e dâ cussì un contribût diret no condizionât de propagande “Par agns i rifugjâts istrians a son stâts menâts pal nâs: “l'Istria tornerà italiana” e diseve la drete, inmò fassiste, dal Msi di Giorgio Almirante... Ma la Italie e à pierdût la vuere e la Istrie e je e e restarà teritori sloven e cravuat. Lu àn simpri savût, dai timps dal Memorandum di Londre. Bausârs!” e je la denuncie firmade dal nevôt di Antonia, ultime istriane derubade de sô identitât.
Posta un commento