Intun post precedent, Thermo al domande se al à di fâ une prevision pes regjonâls... cumò che ancje il parlamentin regjonâl di Forza Italia al à fat il non di Renzo Tondo (e jere dome che ore!) o podìn fâ cualchi resonament di plui, ancje se al è inmò cualchi passaç di fâ (v. i aleâts)....Fuarce Thermo, chest post al è par te: o tirât il clap, platistu la man?
Post
8 commenti:
Eh no cussi no val!
O volevi falu sul so blog, ma no pues platami.
Ce che o pensi jo:
In Italie: Le CDL in crisi di identitat e di unitat, sedi in regjon che a livel nazional, isal azardat di che no esist plui?
Berlusconi: el partit al e lui, el pode di striscinament che al a e le capacitat di proviodi moir di altris nissun les dinee ma les Brambilades, el PDP, PDL, ce che al sta fasint, LE INT NO LU CAPIS, NO lu capissin nancje i soi e o dubiti che el stes Berlusconi nol vedi dut clar.
Le leç elettoral, par che volte, no gambie parcece sedi a drete che a ciampe e je pocje voe di capisi e forsit el colegjo uninominal al e un zucut che la plas masse ae "caste".
Le int forsit an'd a plens i cojons di prodi e compagnie ma no soi convint in maniere cussi nete.
In regjon:
Illy al e al tierc puest tai gradiments nazionai, e son sondaçs che si lassin scrivi ma tant al e. Di fat bisugne puartai vie votos parceche le so popolaritat e je aumentade de so vitorie (facilone) dal 2003.
Al ultim puest cjale cas al e il Magnifico Strassoldo che ae vilie des elezions al a rimendiade une figure di mierde a dute le CDL che volaran agns par spalale dute e le puce si fasarà sigur sinti in cabine pes elezions regjonal. Chest nol gjave votos a illy.
Ce che al sta suciedint a Lignan poi, ancjemo mierde dome che e vens su cul sciroc invecite che cule tramontane. Ma nol gjave votos a Illy.
Se al sarà come che al par un election day regjon provincie udin mi sa che l'efiet striscinament nol lara tal sens di gjava votos a illy ma al contrari.
Le vendude par fate e il ritir de candidature di Edi Snaidar e je un altre pontade triste e che di sigur no a puartat vie fiducie a illy o puartat certeces a chej che laran a vota.
Cui ajal capit alc? Sigur Snaidar j'a fat un tic schifo ce c al a viodut in provincie ma o soi convint che si sedi ancje fat tira dentri di manovres di cjapa timp, di "curints"...si e viodut a chilometros che le aleance no esisteve inmo e si steve cirtint un "catalizzator".
Conche chest al a capit che al veve di fa el catalizzator e no il motor al vara ben dite "fruts zuiait bessoi".
Liberidee nissun sa ce che je e ce che puartarà...une fondazion scientifice o un taulin pulitic:
mi vegnin su dome FrizziCominiTonazzi "mi ritrovo tutto solo nella neve a Passo Tanamea, la mia nonna santa donna mi insegnava non si ....liberidea"
Le coalizion, leghe e udc o doi par scontat che rivaran a un pont di incuintri par cori insieme parceche se dome un si clame fur alore illy le vinc a taulin, nancje presentasi.
(a mi che le leghe in friul e fasi el amor cul PD mi fas un tic (vonde) schifo ma si sa al e il partit di Borghezio, chel che al scrif vietato l'ingresso ai comunisti...)
E reste inmo une component: el autonomism, furlanism, e etc... oltre al partit storic che al ul cori ma stranamentri cidin ultimamentri ancje sul blog (al spietara che cualchidun al tuchi ae puarte?) al e un ciert moviment di persones, associazions, comitas e di furlaniscj che e an un ciert pes politic.
Dula votarano chei furlaniscj che e an viudiut aprovade le lec sul furlan vonde ostegjade de CDL: Illy chi dal sigur nol a pierdut votos.
Le imprenditorie ise deludude di Illy? Di Bertossi ise deludude? No a lu voleve ancje le CDL figurinsi.
Le sanitat: francamentri no mi convinç le operazion di vendite dai immobii ma mi ven ancje cheste considerazion:
se il me miedi di base al foss'ancje aministrator dal condominio li che al a il studi, no sares content che al dedicas timp a viodi dal implant di riscjaldamnet invecite di viodi dal me scolo!
In conclusion, ma e je dome le me idee, cui me fas fa di gambia ?
Si Gotardo al a dite che Illy al fas finte di baruffa cun Prodi sule cuistion dai trasferiments dai introitos fiscai parcece al fas campagne elettoral, dome par fa viodi che al e diferent.
Beh, jo o soi un destriode (oramai no masse convint) ma mi somee che le int le voidi cheste diference e, o smenteavi, el ver federalism fiscal si e viodut dome in chist cas (si e inemorade parsin le leghe).
Cuindi in dute francjece e onestat o dis che pal moment o soi cuasi tentat di vota Illy ancje parce deludut de CDL regjonal e des porcaries provincial (e plui dal fat dal tragicomic balet des dimisions dopo) .
Le uniche robe che po fami cambia idee, insieme al me orientament ideologic, e je le stime c’o ai viers Renzo Tondo, che no cognoss masse, ma avonde par savelu degno di fiducie par un gambiament inmo in mior di cheste regjon cule sinistre al oposizion!
Tondo si, qualsiasi altri o sares stat sigur cheste volte di NO votalu: no sai crops che le pensaran come me e se chest al bastara a colma le difarence, mal che vadi al rive secont.
Chest al e il me pronostic se Illy e Tondo e saran ei doi sfidants: Illy riconfermat.
p.s.
se tu ti visis dai pronostics che ti fasevi o pues ancje puarta fortune…..
E jo ancje gambia idee…
Piutost dinus tu alc:
Mi an dite che ti an viudut in t’un centri abronzadure a fa une lampade che il to idul al e deventat ANTONAZ?
Considerât che tu puedis comentâ ancje sul blog di Renzo, o scuen propit ringraziâti pe analisi.
In sostance le condivît in plen, massime sul percors di Illy: al à savût movisi e o pensi che al sedi in plen vantaç. Ma al è ancje di dî che il candidât in cjarie al à simpri chest vantaç simpri che nol vedi fat cualchi porcade stratosferiche.
O fâs dôs riflessions: une sul furlanisim e une su Renzo.
La CDL e ò fat une capele mostruose (gjavade la leghe e blasoni) a trai cuintri di un argoment come chel de tutele linguistiche (no mi riferìs nome al furlan, che al sarès za avonde, ma ancje su la cuestion de lenghe slovene l'ategjament al è stât dal dut contrari).
Chest al è un erôr, ancje se plui di cualchidun al dîs che lis sfidis eletorâls no si fondin su la culture, ma sul disvilup economic, il progrès, la sanitât...
Probabilmentri e je cussì, ma stant che la CDL e je daûr sul plan regjonâl, no fasarès tant il schizinôs e o cirarès di vierzi un confront ancje su chestis tematichis, no dome cuntun fin eletorâl, ma propit parcè che o soi convint che l'aspiet identitari al sedi ae fonde pal disvilup ancje economic. Mi vegnin tal cjâf altris esemplis e cence lâ masse lontan (Catalogne), baste viodi la Slovenie: in 15 agns, pontant su la identitât di un Stât che al à sù par jù 2 milions di abitants (la nestre regjon a 'nd à 1,2 milions) e à cuistât prime la indipendence, dopo e je jentrade in Europe e cumò intun an e je jentrade tal sisteme "euro", intal sisteme "schengen" e pal moment par 6 mês e à cjapade la presidence de UE: il prin dai gnûfs stâts che a son jentrâts in EU. Se nol è vê une marcie in plui, disêtmi che che al è chest?
Su Renzo il gno judizi al è prin di dut un judizi personâl che al va ancje sul politic, ma in seconde batude, o scuen ametilu.
O fâs un esempli che al jude a capî cui che al è Renzo. Lu ai cognossût tal 2003 tal Istât juste che lu vevin a pene trombât, o jerin a Sant Denêl pe fieste dal pressut.
Lu ai svicinât (mai fevelât prime) e i ai manifestât la solidarietât umane par cemût che al jere stât tratât, disinti che se al veve plasê, voie e bisugne, par chel che o podevi, o jeri disponibil a dâi une man se al veve chê di fâ un gnûf percors politic. Ben, ipso facto mi à dât il so numar di telefon e in setemane mi à tornât a clamâ lui parcè che al veve un di chei incuintris ator pal Friûl, cuant che cu la sô machine al leve ca e là a cjatâ int e a tignî dongje un partît come Forza Italia che jal veve a pene metût ta chel puest. Po dopo a son vignudis dutis chê iniziativis par "chapati", lis presentazions dai libris e simpri tante int che lu cirive, i fevelave i steve dongje. E jo lu ai compagnât e i ai dât une man cussì, savint che par ogni robe il telefon di Renzo al è viert e se no ti rispuint subit, ti torne a clamâ lui a pene che al pues.
E cumò finît l'amarcord, ve ca la considerazion politiche.
O pensi che la nestre regjon e vedi bisugne di int cussì e no di mumiis di palaç. O vin bisugne di un che al feveli cu la int, come che la int e fevele. Dal sigûr Renzo nol podarà rispuindi di persone a dutis lis telefonadis (nancje a mi mi plasarès un che al passe la zornade tor dal telefon), ma al è il spirt che al conte, la maniere di frontâ i problemis. Po dopo, il curriculum politic di Renzo al fevele di bessôl e duncje nol covente che mi slungji.
Une ultime riflession tornant sul teme de tutele linguistiche: a Renzo o ai di dâi at di une robe, ancje se ogni tant si cjatìn a discori cun animositât parcè che su cierts ponts jo o ai une vision un tic plui radicâl rispiet a lui. O scuen dâi at che nol à sierade la puarte come la plui part dai politics de CDL (gjavade la Leghe e Blasoni che si son compuartâts in maniere divierse). Dal sigûr Renzo no si declare paladin dal furlanisim (che tra l'altri nol sarès credibil cuntune afermazion dal gjenar). Però di persone inteligjente come che al è, al à simpri volût dialogâ e rispiet a la posizion lontane che al veve cualchi an indaûr (nancje tancj...) o soi content che al vedi tacât un percors di plui sensibilitât. O speri che no si fermi e che intal moment de scriture dal program, si tegni in considerazion ancje chest teme (ancje se cun AN e buine part di Forza Italia al sarà une vore dificil).
Pe cuestion de abronzadure: mi sa che a àn viodût mâl, stant che se tu mi cjalis tu ti rindis cont che o soi come la Invernizzi.
O ai fevelât tant ma no ai dit il risultât previodût: cence Renzo, si podeve metile a suiâ cence nancje lambicâsi tant, parcè che Illy al sarès lât fûr par fûr come un curtìs cjalt te spongje.
Cun Renzo il cdx al à cualchi pussibilitât di plui, ma e je dure distès.
Par tant, tocje pedalâ e tant!
Mi plasarès cognossi ancje la opinion di altris letôrs, magari di chei che a àn votât csx a Maian o altris che ogni tant a lassin coments su la cuestion politiche aministrative di Maian. Cuisà se cualchidun altri nus lasse un so pinsîr su la situazion des regjonâls?
No tu as fat un pronostic: 1 2 o X?
x nol esist quindi 1 o 2 ?
Daiop tiritu el clap e platitu le man?
Renzo Tondo
Tondo al è un brâf furlan, soredut umanamentri!! Ma al è rivât dopo il disastri del MARZIAN e "in une CDL - circo!!
Mission Impossible
Posta un commento