Checo un pôc mi dâ cuintri, un pôc mi fâs i compliments... no sai ce dî... però mi à dât la ocasion di proponi une robe che mi balinave za tal cjâf e o vierç cussì la discussion domandant a voaltris cualchi propueste pe Arlef. Une racomandazion: chest al è un zûc e la Arlef e à za un organisim che al varà di proponi lis liniis de politiche linguistiche, ven a dî il Comitât Tecnic Sientific, che al varà di proponi a Cda i progjets miôr pe valorizazion de lenghe furlane. Però a mi mi interesse di capî ce che i letôrs dal blog a volaressin viodi fat di bande de Arlef. A mi mi bastarès viodi metude in vore dute la normative in cont di tutele linguistiche: al sarès za un bon risultât cence scugnî lâ a cirî novitâts... Ma cumò vonde fevelât jo: us tocje a voaltris... ca che a vegnin lis ideis!
10 novembre 2008
La Arlef che mi plasarès...
Checo un pôc mi dâ cuintri, un pôc mi fâs i compliments... no sai ce dî... però mi à dât la ocasion di proponi une robe che mi balinave za tal cjâf e o vierç cussì la discussion domandant a voaltris cualchi propueste pe Arlef. Une racomandazion: chest al è un zûc e la Arlef e à za un organisim che al varà di proponi lis liniis de politiche linguistiche, ven a dî il Comitât Tecnic Sientific, che al varà di proponi a Cda i progjets miôr pe valorizazion de lenghe furlane. Però a mi mi interesse di capî ce che i letôrs dal blog a volaressin viodi fat di bande de Arlef. A mi mi bastarès viodi metude in vore dute la normative in cont di tutele linguistiche: al sarès za un bon risultât cence scugnî lâ a cirî novitâts... Ma cumò vonde fevelât jo: us tocje a voaltris... ca che a vegnin lis ideis!
Grazie Christian dal bon acet de propueste.
RispondiEliminaO premet che no soi al curint di propuestis fermis tai cassetins da l'Arlef o di propuestis za fatis tal timp e duncje o podares proponi falopis.
Ti tocj tal setor che siguramentri ti interesse: le comunicazion.
Chist setor si sa che al è une vore impuartant pal us di ogni dì di une lenghe, sedi tes formis virtuals che ches stampadis (tal rasonament no consideri lis publicazions di libris). O feveli dai gjornai e periodics stampats, di television, di radio, di informazion in ret e vie indevant. Eco par stiça gjornaliscj, grafics, fumetiscj, a produsi lavors di nivel simpri plui alt par contignuts e cualitat, oltre o organisa cors specifics (come chal è za stat fat par cualchi setor), o podares jessi un bon torne cont il meti in pints un premi pal setor sudividut par categoriis come par esempli: gjornalisim d’inchieste, gjornalisim pai fruts, gjornalisim ambiental, fumuts, e vie indevat ce che si riten impuartant di favori.
Se mi ven su alc altri o tornarai a rompi a coiar vie come chal dis Dree.
Mandi checo
O propon un "concors miss maiute furlane bagnade" e la "sagre de urtie in padiele"
RispondiElimina...uhuuuuu no stin a dismenteasi dai tradutors!
RispondiEliminaChristian propueste bis:
concors pal tradutor talian/furlan plui biel braf e bon,
1^Premi € 1.000.000
Rinfuarcia Friulanication,
RispondiEliminale braure di sedi furlan!
Becs spinduts ben :-DDD
Cemut ta la Province Autonome de Bolzan, mjeti lis tabelis de lis stazionis e l'orari uficial dal tren bilengal.
RispondiEliminaPerò, Checo: ce ideone! E une cunvigne no, fevelant di ideis origjinâls? E par fortune che tu fastiliavis tant pai bêçs dâts ae Patrie. Ma sì: butin tal cesso un tic di euro par un premi, che dopo si lu asegnarà cui solits criteris talians. O viôt zà Villotta ricevilu: al à fat ce tantis robis par furlan e al è ancje il dean dai gjornaliscj FVJ.
RispondiEliminaBenon!
Ah, dificil eh, passâ dal criticâ al FÂ!!!
Ce biele idee Christian che di coinvolzi i letors tal promovi propuestis, ancje se no deventin atuativis ma si fâs fevelâ la int! Mi plâs la idee di Checo, che o condivit. Jo o varès di proponiti chel progjetut pai fruts che ti ai mostrât
RispondiEliminaDree,
RispondiEliminami par che tu às pocje fiducie tal gnuf CdA da l'Arlef e ancje tal Comitat tecnic sientific!
Jo o crot che le professionalitat e vedi di jessi stiçade, cun cors e incentifs dedias. Ma no tu varas migul pore che si fasedi dongje cualchi zovin gjornalis o fumetist/stricador? Mi par che no sedin centenars i gjornaliscj o fumetiscj/stricadors a disposizion!
Podopo pal amor di dio no vuei sostituimi ai creatifs come te, prego o restin in spiete des tos ideis e o crot che pal mistir e pe esperience che tu às e saran siguramentri significativis.
Ps 1: Paveute no mi plas ma al è lì parceche al è stat elet o no?
Ps 2: no centr cul Arlef ma o crot ch'al sares un bon imprest e ancje un bon coni meti adun une associazion di gjornaliscj furlaniscj (che scivin par furlan).
...e po Dree cuant mai ajo fastiliat dai beçs das ae Patrie?
RispondiEliminaSe mai al sares pulit che cui che i tocje decidi il ripart dai beçs (di ducj) nol vedi colegaments direts cui beneficiaris, se tu as voe di capile e se no tenti da cont il sustament. Al è dibant scandalizasi de stessis robis che sucedin fur di chenti e no par ches de nestre regjon.
Ti bussi sul ciarneli
Questo commento è stato eliminato dall'autore.
RispondiEliminaCjar Checo, se tu disis che o varès pore di tirâ dentri zovins, fumetiscj e vie indevant, ancjemò une volte tu mostris di no cognossimi e - come al solit - di insinuâ slealmentri robis che no esistin. Tu sbaris propit a câs, informiti miôr.
RispondiElimina(Tant tu insistis, tant tu disis simpri chês, tant tu ciris di sputanuciâ che mi ven simpri iniment "Cui che al à il suspiet,
al à il difiet.")
Par cont de me critiche no ao la libertât di fâle? Al è chel che tu disis simpri ancje tu, tu ti sês smenteât? No pues dîlu se mi soi stufât di premis che no funzionin e cunvignis, cuant che o viôt un grum di robe concrete che si podarès fâ?
Lis professionalitâts a esistin zà, ma lis nominis e i incarics no van daûr di chê tal sisteme atuâl. E nancje lis premiazions...
Strani che cuant che si cjate di criticâ chei altris tu lu sâs e se al è di inmaneâ un premi ideât di te dut al devente obietîf e meritocratic.
E dopo, par esempli a la Ninine i plâs la propueste. Zà tu ti arindis ae prime critiche? Precisile, insist, pense ae zurie...
Eh... dure metisi in zûc, no? Sì sì: miôr stâ in bande, no impaçâsi e fa il moralist sui altris.
Pe Patrie no feveli des ultimis che tu âs det ma di robe di cualchi mesut fa sul Furlanist, cuant che i bêçs a erin decidûts di altris.
Ten cont che o soi ben d'acuardi cun te che cui che i tocje decidi il ripart dai beçs nol vedi colegaments direts cui beneficiaris, o che no varessin di jessi nominis politichis ma professionâls. Però stant che no ai timp di piardi no mi met nancje tal discors, che il siteme al è cussì e no sigûr daûr di chestis nominis!!!
(E tra l'altri lis nominis che tu tu âs criticât di plui a son par gno cont ches miôr). Se dopo tu âs chê di fâ demagogjie facil ae Grillo, fâs, fâs...
Post Scriptum pe associazion dai gjornaliscj furlaniscj che scrivin par furlan: la idee e je zà stade butade, ma al mancje cualchidun che si cjapi l'impegno. Jo e altris a 'nd vin zà fin sore ai cjavei cussì. Se tu vuelis fâ di segretari benvignût, o vin zà plui di 10 nons sigûrs e o stimi che a 20 si rivi subit. Une base di lusso zà pronte, che si insumiarès cualsisei gnove associazion furlaniste. E une vore util, o concuardi.
Podio notâmi ancje jo te associazion o checo e nomansland mi mandin i carabinîrs a cjolimi? =)
RispondiElimina(ps: e je une batude par sdramatizâ... mi racomandi... e no stait a barufâ!)
(ps2: la idee de associazion e je vere e ancje ce che al à dit il dree)
Statût ARLeF:
RispondiEliminaVt. Art.4 par.4 pont d
Vt. Art.7 par.1 (dut)
---
Cemût si disial par talian "vueli di clap"?
Mi plasarassin plui investiments su gnovis tecnologjis par furlan. Ma bisugnarès fâ plui che tabaiâ
RispondiEliminaSi e je vere jo no ti cognoss, mi scusi se tu le às cjapade come isinuazion sleal, però di ce ch’o sai no mi par che e sedi une grande schirie di fumetiscj par furlan che par altri e cjatin spazi di massime dome su le Patrie, Alc e cé, forsit tu puedis indicami alc che no cognoss.
RispondiEliminaO continui a crodi che dai imprescj di stiçament come dai premis ben calibrats e cualificats e podedin jessi un (no l’unic) bon motif par favori produzions gnovis in furlan. O pensi ancje che pal gjornalisim che publica une inchieste giornalistiche in anteprime par furlan al dedi lustri e dignitat ae lenghe, e ch’al tiredi dongje letors e adets ai lavors.
Chist al è un me pensir, no jessint dal setor no mi permet di di cemut ch’al sares mior impuesta un eventual Premi/Concors tal setor de stampe (TV, radio, gjornai, fumuts, altri). E naturalmentri e coventin fa stradis di formazion, ancje se alc al è za stat fat e al ven fat.
O capis ancje le to delusion di ve viodut passa premis, concors, cunvignis, e vie indevant, ma lis stessi robis lis disevin le gjenerazion di furlaniscj prime di te. Si fas tant par viodi no tancj risultats parceche il mont al va indevant cun le potence dai soi imprescj e dal sbatiment pai valors des “piçulis” robis come le nestre culture. Però o pensi ancje che cuant che li srobis si fasin ben e cjapin spessor dopo e vegni preseadis e e dan ancje dai risultats. O vuei cjapa un esempli fuart: trop ch’al à stimolat lis ideis il concors Start Cup te Universitat? Cjapin ce ch’al funzione in chel premi e voltinlu tal cjamp che nus interesse.
Mi scjampe un'atre idee, puedio Dree?:
posto che Il Diari al ven distribuit cul sisteme dal free press, podaressie le Patrie (cul supuart dal Arlef) passa ancje je a free press (incidino tan lis ientradis dai abonats e des venditis?) e jessi dade fur in dut il Friul une volte al mes celofanade cul Diari?
Dree, o resti ancje in spiete des tos propuestis, setu stuf e deludut pes propuestis za fatis o atu alc di gnuf?
PS: mi fas plese che le associazion dai gjornaliscj furlans e sedi za stade pensade, o speri che cjapi pit prime pussibil e che doventedi une “lobby” di cualitat e une machiene di “vuere” a pro dal Friul. O capis che tu e atris o sedis une vore indafarats ma pal moment no tu mi cjatis disponibil a cjapami su ancjemò atris impegnos,oltri a chei cho’ndai, almancul par 3/4 ains.
Checo. Pai premis: tu tu crodis che a sedin utii. Par passâ di une impression personâl a alc di plui concret fasìn un dibatit su la utilitât o mancul di chei che son, i lôrs difets, cui che al vinç, il lôr impat su la int "normâl" (e no nô nerd furlans) e viodìn se al è il câs di fânt altris. Podopo par une robe po stai che il premi e pues jessi la robe juste, par altris no: a mi semplicementri no mi plâs la mode dal "premisim" o dal "cunvignisim". Magari ancje une mostre e pues jessi util, ma si à di valutâ câs par câs.
RispondiEliminaPar cont di chel sul gjornalisim. Il gjornalisim par furlan e furlanist al sta vignint su ben ma nol è inmò madûr e une robe cussì e riscje plui di rompi lis balis che judâ. Pe idee «publica une inchieste giornalistiche in anteprime par furlan al dedi lustri e dignitat ae lenghe, e ch’al tiredi dongje letors e adets ai lavors.» o soi tant d'acuardi che mi samee parfin ovvie (forsit nome a mi e a ti), ma no sta a crodi che al sedi facil, massime cun lis scjarcis fuarcis che o vin, compensadis nome de grande passion di tancj colaboradôrs che i crodin cence vê praticamentri nissun ricognossiment economic e che no smetarai mai di ringraziâ. Par cumò nô si sin concentrâts a contâ ce che al sucêt tal mont furlanist te maniere plui complete pussibil: cheste e je la base par vê ancje il rest. E cualchi copiadurute le vin zà vude...
Pe Patrie-distribuzion. Tu che tu sês preocupât pe strassarie di bêçs publics e a cui laressin tu proponis une idee che e coste une vore di plui de Patrie di cumò. Fâ une robe cussì a compuartarès aumentâ la tiradure (e duncje cosj di stampe) une vore di plui. Par chest no sin lâts indevant cuntune idee dal gjenar. Inoltre bisugne viodi se e je plui efficace une Patrie che e va al public gjeneralist o a un plui "di elite". Par un gjornâl di ideis e militant tant che la Patrie po stai che sedi adiriture miôr la segonde soluzion. Dutcâs viodarìn. Sigûr che se un Arlef cun dentri Romanini e Bressan al cjapàs une decision cussì, tu tu varessis vût cuissà ce sospiets, se no jere une tô idee!
Par cont dai fumuts, leiti il speciâl de Patrie sui fumuts di Avrîl par savênt alc di plui. Speciâl che al à il difiet di no fevelâ tant de realtât di Pordenon, un grum vivarose. Li si fevele ancje di un pâr di biei libris produsûts dal grup FAME, e ti ricuardi che ancje sul Diari a son fumuts. Une note sul discors di chest media, cussì o cjapi l'ocasion par sfogâmi un tic. La robe che mi fâs deventâ mat e je che in chest moment, li che i furlans a an soredut la dificoltât a lei la lenghe, al sarès un dai media plui utii di doprâ, come che al è stât tant util tai agns 20 e 30 tai Usa par fâ imparâ la lenghe a la int, pe sô particolaritât di jessi scrit ma no masse, parcè che la descrizion dal ambient e dai personaçs le fâs il disen. La robe ancjemò plui incredibil e je che al è un mieç di espression potentissim jenfri i zovins, che cumò cun la "novelle vogue" dai romançs grafics si slargje ancje a un public plui adult, che o vin un grum di autôrs in Friûl, in gracie dai tancj cors che al à fat Davide Toffolo vie par dute la regjon, che o vin zovin autôrs che lavorin pal forest (!!!) - e tancj di lôr a fasin robe par furlan par passion - che il concors pal fumet di Onde Furlane fat passe 10 agns fa al à vût un successon e che nol è stât plui riproponût (ve ca un che se si propon o sai zà che al varès un sucès mostro). Cundut chest, no si ponte par nuie sul fumut (va bè che dopo o ai simpri la stesse pore: se si fâs alc bisugne viodi cemût che ven fate). Une robe che mi fâs deventâ mat e che al è miôr che nancje no i pensi parsore che mi ven nome gnervôs. Se jo no fos ancje un fumetist mi batarès ae muart par promovilu, ma stant che o soi interessât in prime persone, sigûr al saltarès fûr cualchidun a sputanuçâ che jo lu fasarès par interes. Bon, almancul lassaitmi sfogâ suntun blog.
Pal cont di no cognossimi tu lu âs mostrât a plen e no stenti a crodilu. Mi pâr che tu sês avonde fûr dal mont furlanist tai ultims agns, alore!
Sicome tu mi dâs l'impression di jessi un "vecjo furlanist" daûr di chel che al salte fûr ogni tant traviars il to anonimât o vuei sfogâmi un tic ancje cun vualtris: la naine dal "o ai fat... o eri tal MF..." molaile, che tai ultims 20 agns o vês fat avonde une brute figure e fra nô zovins o sês un esempli sì, ma - magari cussì no - di cemût no fâ lis robis, cul vuestri continui sputanuçâsi che al à minât il moviment e di cui tu âs fat mostre ancje ator pai blog.
O ai l'impression che fra lis gnovis jevis la robe e sedi un tic diviarse e che si rispietisi inanzidut come furlaniscj, distinguint ben cui che - al di là des ideis personâls - al fâs e cui che al tabae.
Podopo la barufe e ven fûr istes, ma no il rispiet personâl.
La scuse di vê vût un passât, nol justifiche judizis a slàs sul presint. E scusimi ancje chi de sbrocade, ma insome...
Dree
RispondiEliminao ài let,
vuè e doman o soi straindafarat, sabide o domenie o smicj ti rispuinditi.
Ti cuieti dome disinti che no soi vecjon (juste passat i 40) e no ài mai fat part dal MF lu ài dome tignut di voli e podopo de porcarie des elezions europeanis dal 87 mi à fat simpri plui schifo.
si sintin in curt, mandi
Checo, alore forsit su chel cont o sin d'acuardi. Jo nome mi pues basâ su alc che ven fûr de fumate dal anonimât...
RispondiElimina