Dificil di contâ ce che si sint dentri. Une vore dificil.A viodi dutis chês crôs inflochetadis (cjale chi la foto), metudis in cercli di front de Crôs Mari di Sant Pieri in Cjargne, ti si sglonfe il cûr pe emozion. No je dome une cerimonie religjose. Al è un rituâl antîc, no vieri. Vieri al è ce che al è passât, antîc al è ce che al manten la fuarce des lidrîs simpri vivis di un popul. E intant che il Prevost di Zui lis clame, lis crôs a rispuindin "E je achì!", testemoneant che in 700 e passe agns che si ripet cheste tradizion, vuê come îr, la int a sint la fuarce di rimpinâsi fintremai sul Plan de Vincule par viodi la bussade des crôs e preâ inte nestre lenghe.
Pardabon une cerimonie sugjestive, cuntun soreli timit, ma simpri li a tignîti compagnie intune zornade che e reste tal cûr. E intant che o ven vie cuntune serenitât che no vevi di timp, o cjali jù pe val de Bût, un panorame che ti gjave il flât.
E po si domandisi parcè che la Cjargne le clamin la mari dal Friûl...
No vores somea blasfemo ma par me el flat tu lu as pierdut de rive su... chilos...
RispondiEliminaScherz a part e je une cerimonie che o ai vidut di piçul e e je une vore sugjestive.
Ustie thermo... o jeri preocupât... :P
RispondiEliminadut câs mi displâs par te, no jere la rive sù e nancje i chilos parcè che mi soi metût in... viaç in moto: e o soi rivât fint dongje il plan de Vincule :-P
A part lis batudis, une cerimonie di tornâ a viodi!