Vuê o dedichi ancje jo un pinsîr a la zornade internazionâl cuintri de violence su lis feminis.Lis statistichis a disin che in Italie une femine su trê e patìs violence (lei dut l'articul sul Corriere).
Sperant che nol vedi mai di coventâ, o segnali a dutis lis feminis che a lei chest blog, un servizi che ur dâ la pussibilitât di cjatâ cualchidun che lis scolti. No stait a tignî dentri ciertis robis brutis che us àn fat: ancje se al pues semeâus dificil, insormontabil, o vês di denunciâ cui che us à fat e us fâs dal mâl.
Parcè che se cualchidun al alce lis mans (no dome tal sens fisic: tantis altris a son lis formis di violence) su lis feminis, nol merte nissun dûl o justificazion... nol merte nancje di jessi clamât om.
Une robe un grump serie.
RispondiEliminaMa mi sune un tic strani che tu segnalis les iniziativis dal cumun li che tu lavoris, Tavagna, e no ce che sis sta fasint tal cumun li che tu ses un aministrador, Majan.
Magari tu as mancjade le ocasion di aprofita dal gnuf slancio ae ativitat aministrative dade de redistribuzion des deleghis e de isude de situazion di stallo aministratif, contanus ce che fasin i doi neo asesosr incargas di pulitiches social e pari oportunitats.
(che se e an dividut el lavor su doi an devi sei di strade di fa...)
Parceche tu ses inmo un aministrator dal comun di Majan nomo?
Mandi Thermo,
RispondiEliminano mi va di polemizâ su lis considerazions ultimis che tu fasis parcè che come che tu âs dit te prime rie, chest al è un post che al fevele di une robe serie.
Ma no mi plati e ti dîs parcè che o ai fevelât doprant il servizi dal comun li che o lavori: parcè che cognossint il servizi miôr di chel di Maian (e chi al è un limit gno, lu amet) o ai preferît segnalâ chest pluitost che chei altris. Mi coventave un riferiment sigûr e di corse e duncje mi è vignût naturâl di segnalâ il sportel dal comun di Tavagnà. Se ancje a Maian il servizi al funzione, benon: plui a 'nd è di chescj, miôr al è. Parcè che al è fûr di ogni gracie che tal 2007 a sucedin inmò fats di violence su lis feminis. E nol covente lâ tant distant di cjase nestre. Purtrop!
Grazie Christian.
RispondiElimina