Chest an invezit che lâ a fâ cori i ûfs jù pai rivâi o ai aprofitât de biele zornade par masanâ cualchi km.Dopo gustât o soi partît par lâ in Val Tramontine: o ai fat Flavuigne, Cjasiât, Anduins, Vît, Clausêt (spetacolâr il panorame sul Friûl, ma ancje lis grotis di Pradis a mertaresssis: mi sa che o torni une altre voltre par viodilis cun calme) e po jù fin a Tramonç.
Cuant che o soi rivât a Vile di Sore (Tramonç di Sore) mi è vignût inzirli parcè che su la strade al jere un cartel che al diseve che il Pas dal Rest al jere serât!
Incazât come une ruie, o torni indaûr ma par furtune o cjati un vecjut di li e mi fermi par domandâi ce fâ... "Mah, frutat... viôt tu, prove..." mi à dit... e come che o vedês però o soi passât distès. O scuen dî che la strade no jere il massim (tornant e cuintri tornants), ma il spetacul che o ai viodût, mi à paiât di dute la fadie par rivâ fintremai a 1052 metris!
La strade e continue fintremai a Dimpeç e stant che o jeri in Cjargne, passade Vile, o soi lât sù a Luviee a cjatâ il Gnut che al jere a passâ Pascute in mont.
Ancje li, sot de Crete Serniate, al jere di ce lassâti cence peraulis: biele la Cjargne!
Tornant in Friûl o soi passât par Tumieç li che mi son vignûts i sgrisui: o ai cjatât un che al jere daûr a cjapâ sù par strade sclesis de sô moto... al veve a pene tamponât une machine. Nol à fat mâl, par furtune. Par tornâ a cjase solite strade par Vençon, Glemone e Osôf juste in timp prime che al tacàs il grant trafic.
No pues lamentâmi: passe 170 km intun dopomisdì par vê la conferme che biei come la nestre regjon, no indi è tancj puescj!
Jo vue o ai stat a Bled.
RispondiEliminaIar di sere invecite o aj stat a cjata chei che son tal camegjo in tai praz de mont e o ai vuidut che je une picuile risultive che formr un poçon di cirche 6/8 metros mitude a puest no dai di cui, sierade di un pareman pardabon un cjanton di majan che no cognnossevi.... mi par che si clami le fontane rossite...
Sì, mi pâr che e sedi propit la fontane rossite. Ma a Susans indi è une vore di fontanis che a mertaressin di jessi cognossudis.
RispondiEliminama sestu fermaat a daa une cjalade al ciscjel dai conti Ceconi a Pielunc?
RispondiEliminaMandi Renzo
RispondiEliminano a Pielunc li dal Cjistiel Ceconi o vevi za stât. Dut câs o ai fat une altre strade: par Clausêt (o come che a disin li: Clausiet).
Chê zone no le cognossevi e o soi stât propit content di vê fat chê strade.