Come che us ai za dit, a son tacadis lis presentazions dal belanç ator pes frazions.Mi semee che un pâr di argoments a son avonde sintûts de int e mi riferìs in particolâr a lis scovacis e a lis antenis. Cualchi consei ancje achì? Magari fasint un struc di ce che a àn dit ator pes frazions...
mah, stant che tu lu domandis...
RispondiEliminaDaûr di ce che al è stat declarât a Farle:
1) se il tipo di antene e je UMTS;
2) se par ogni antene il Comun al percepis un 8.000 euros (a Udin a son 15.000 euros/antene);
3) se un misuratôr di cjamp magnetic al coste 5.000 euros (par simpri) e nus permet di controlâ il funzionament des antenis e di gjavâ lis pôris ai concitadins;
4) se il gjestôr al pues decidi di domandâ a di cualsisei proprietari di teren (intal câs di un "no" de aministrazion) di instalâ la antene cence nissun probleme;
5) se il comun al domande che ogni antene e vedi un bas "impat estetic";
jo i pensares cetant par sore prime di dî di no.
Ma o domandares ancje une particolâr ATENZION a chê frazion indulà che al è stât implantât il ripetidôr!
Grazie Luca
RispondiEliminaotimis osservazions. O viodarai di puartâ in consei chestis notis, ancje se o ai come la impression lis àn za letis...
O sai savût che il comandant Finazzo si è fat mâl propit intun sorelûc li de fornâs di Sant Liseu. I auguri di vuarî prest.
RispondiEliminaTuesin, no ai capît.
RispondiEliminaDôs antenis, pe funzion che e varessin di vê, no coventin.
Ma se tu pensis invezit che al è miôr implantâ une antene a Farle istes ma cence contrôl, cence un vuadain pe popolazion e cence decidi il puest baste dîlu. E je une alternative.
Une altre alternative e je chê che tu tu sedis un proprietari di teren a Farle che al pense di tirâ su 80.000 euros in 10 agns.
Jo o crôt che i paisans varessin di decidi savint prime che une antene a Farle, se il Comun al dis di no e il pont (4) al è vêr, e rive.
Alore o mi domandi (cence fa masse il spiritôs su di un teme seri come chest) se domandâ des garanziis e un impen de bande de Zonte prime di dî un "no" che al devente un "si" a 10 metros di cjase tô.
Visiti che in chest câs (pont (4) vêr) il discors nol è di dî "si" o "no" ae instalazion (dulà che il Comun no decit e soredut no controle propite nuie) ma dome chel di vê un dirit di prelazion.
Mi plasares jessi smentît.
Dut câs se o vin voie di contâ barzaletis tachìn cumò, ancje se l'argoment no mi samee chel just.