Vinars Prin di Dicembar, a son stâts presentâts i Omenuts.Cheste e je une imagjin dal carton animât de Mattel_Fisher Price (copyright riservât) te version par furlan di Massimo Garlatti Costa. I dvd a son in vendite li de Societât Filologjiche Furlane e in dutis lis librariis de Provincie di Udin.
Ogni dvd (a son 2, pal moment...) al coste 12,50 euros, ma pai socis de Filologjiche al è il scont, baste passâ in vie Manin.
Lei une recension di Omenuts
tocjave propite la ale Mattel a ciri j'omenuts...
RispondiEliminaconche se si cjalin ator... omenètos an d' e a pitinton!
Dipo, al e un poc che no si sintiti, ma atu fat une cunvigne dai sarts o cui sorts?
SUL MV
RispondiEliminaMARTEDÌ, 05 DICEMBRE 2006
Pagina 14 - Speciali
Il prin carton animât dut par furlan prontât di Massimo Garlatti Costa
A rivin i “Omenuts” des canais
Une gnove propueste in Dvd de Filologjiche
Dopo une anteprime dal dì di Sante Catarine in ocasion de presentazion dal Strolic 2007 a Palaç Belgrât sede de Provincie di Udin, vinars prin di dicembar al è stât presentât in maniere uficiâl il progjet Omenuts li dal Salon Pelizzo te sede de Societât Filologjiche Furlane in vie Manin.
I Omenuts, la version furlane di Little People, il carton animât de Mattel-Fisher Price famôs in dut il mont, a rivin in Italie pe prime volte e lu fasin fevelant par furlan.
Di fat Massimo Garlatti Costa, il regjist e ideatôr dal progjet in sinergjie cun Giuseppe Tissino e Claudio Zorzenon de Arte Video di Palme, al à viodude la necessitât di realizâ un prodot gnûf pai frutins, par podê dâur la pussibilitât a lôr e ai gjenitôrs di vê un prodot inovatîf e studiât propit par chê fasse di etât clamade «prescolâr», il moment de vite plui adat pal aprendiment des lenghis. La sielte e je colade su Little People, un prodot internazionâl, ma che nol jere mai stât impuartât in Italie, in maniere di vê, pal marcjât talian, un carton animât mai viodût achì e che i frutins a podessin ricognossi come un prodot origjinâl e no come un prodot voltât dal talian come che al è za stât fat pal passât.
La idee e je stade presentade al diretôr Feliciano Medeot, che le à subit proponude otignint la plene condivision di bande de Presidence e dal Consei diretîf de Societât Filologjiche Furlane, che tai siei fins e à propit chel di promovi tra i plui piçul l’aprendiment de marilenghe.
Tai dvd di Omenuts, che pal moment a son doi, Ogni dì une maravee e Maraveis di Nadâl, a son 5 episodis par om che a durin ognidun 5 minûts, in maniere di adatâsi pal miôr ae capacitât di atenzion dai plui piçui.
Lis vôs dai protagoniscj Lole, Miute, Pieri, Bete e Tonin, i cinc frutins che ogni dì a scuvierzin lis maraveis de vite, a son chês di atôrs innomenâts come Massimo Somaglino, Claudia Grimaz, Nicoletta Oscuro, Monica Mosolo e Francesco Ursella. La sigle e je invezit cjantade dal cjantautôr cjargnel Lino Straulino.
Ma daûr di chestis vôs al è ancje un grant lavôr di traduzion curât di Stefania Garlatti Costa che e je rivade no dome a rindi benon la traduzion intal furlan di riferiment, sempliç e coret dal pont di viste linguistic, doprât dai personaçs principâi, ma e je rivade ancje a meti dentri, pes figuris plui caraterizadis e secondariis, inflessions plui dongje aes variantis locâls e a zuiâ cu la musiche e la lenghe par rindi in maniere naturâl e simpatiche dute la fuarce des rimis des cjançonetutis che dispès i protagoniscj a cjantucin vie pes pontadis.
Il Nadâl pai frutins furlans si svicine duncje cuntune novitât bielone e preseose e par chei che a fossin interessâts, i dvd a son in vendite al presit di 12,50 euros (ma i socis de Sff a puedin comprâju cul solit scont) li de sede de Societât Filologjiche Furlane a Udin in vie Manin 18 (info 0432 501598 e pueste eletroniche: info@filologicafriulana.it), tes sedis di Gurize, Pordenon e Tumieç e in cetantis librariis dal Friûl.
Christian Romanini