Ve chi la gnove lezionute di furlan. Us visi ancje che ai prins di Novembar a Maian al varès di tacâ il cors di furlan de Universitât de Tierce Etât e il mestri al è Roberto Ongaro. Ocjo che e je une biele ocasion par fâ un pocje di scuele di persone. E po Roberto al è ancje simpatic!
04 ottobre 2006
A scuele di furlan
Ve chi la gnove lezionute di furlan. Us visi ancje che ai prins di Novembar a Maian al varès di tacâ il cors di furlan de Universitât de Tierce Etât e il mestri al è Roberto Ongaro. Ocjo che e je une biele ocasion par fâ un pocje di scuele di persone. E po Roberto al è ancje simpatic!
Ûs di j e di gn
RispondiEliminaIl sun semivocâl palatâl (il sun des peraulis talianis iena, ieri, aiola) si lu scrîf par furlan «j» in principi di peraule e «i» in cuarp o in finâl di peraule:
1. joibe, justizie, Jacum, jet, jerbe.
2. mai, Buie, puiûl, paiâ.
Cuant che une peraule scomençade di «j» si à di scrivile tacade daûr di une altre, si conserve «j». In particolâr, «j» si lu conserve intai pronons che si tachin daûr di une forme verbâl:
3.Jerbe/disjerbâ.
4. ju cjali: cjalâju, cjalaitju; jal scolti: scoltâjal, scoltaitjal.
Il sun nasâl palatâl (il sun des peraulis talianis stagno, gnocco) si lu scrîf par furlan «gn», fasint però atenzion a chês peraulis che a alternin une forme cun «n» e cun «gn»:
1. gnot, gnerf, cognon; stagn, stagnâ; ragn, ragnut.
2. disen ma disegnut; pan ma pagnut; len ma legnam; an ma agns; bon ma bogns.
fregnje?
RispondiEliminaThermo, vjoot che fregnjie no l'è un termin furlan, ma romanesco. Mi à tocjat di imparalu, ju par chees Romes.......
RispondiEliminaChristian, tu as veramenti une passion e une competence (pal furlan, i stoi disint, se non Thermo al interprete a muut so) veramenti amirevul.....braaf!
grazie renzo. dut câs ancje chel altri aspiet no mi displâs ;-)
RispondiEliminaAl e' che pal moment al a plui furtune cul prin argoment.
RispondiEliminaahahaha
ahahah il solit thermo cjartevetrade :-)
RispondiEliminaMajano - Majan
RispondiEliminaBuja - Buje
Coia - Cuje
Taglio - Taj
?????
Majano - Maian
RispondiEliminaBuja - Buie
Coia - Cuie
Taglio - Tai
pes peraulis li che par talian o vin l'i lunc, in furlan o vin dome l'i curt parcè che l'i intervocalic al è simpri curt.
Il sun semivocâl palatâl (il sun des peraulis talianis iena, ieri, aiola) si lu scrîf par furlan «j» in principi di peraule e «i» in cuarp o in finâl di peraule:
1. joibe, justizie, Jacum, jet, jerbe.
2. mai, Buie, puiûl, paiâ.
Viot che un cert Dr. Pizalis a buje a a tacat a meti vie des brusadulis, vie cjarossit, vie de cocule, vie cjamp etc.. almancut 10 agns fa. No sai le so culture grafiche ma ti siguri che buje pore nuje al e scrit cun dos j e mi par ancje sui manifescj dal milenari (dal 1989?).
RispondiEliminaIl dot. Pitzalis al è un grant! Lu ai cognossût pal cors di furlan par migrants che o vin fat a Tavagnà: une persone di aur! Iniziative, inteligjence, caratar e cûr. Dut câs, il probleme nol è cui che al à scrit, ma ce che al è stât scrit: Buje pôre nuje nol è scrit just. Daûr de grafie uficiâl che mi àn insegnât a mi e che o provi a insegnâus achì a voaltris si à di scrivi: Buie pôre nuie. Dut chi.
RispondiEliminaO ai une miege idee dal personagjo che conferme el to gjudizi.
RispondiEliminaFer che el gambia toponomastiche a Buie al reste par me une c.....
simpri tal me mut di viodi nol'e stat un investiment.
Conche o passarai par Buie o cjalarai i cartei che segnin el pais, se an cjati un cule J giuri che lu disvidi e tal puarti tal curtil!
Alore o fâs un tic di puest parcè che a Buie ducj i cartei a son cul J.
RispondiEliminaLa cuestion de toponomastiche a Buie no le ai seguide e duncje no sai cun ce criteri che a son stâts gambiâts ducj i nons des stradis. Però, fevelant di Maian, mi sune strani cuant che o passi in via dei Barazzi (nol sarà migo la talianizazion di Baraçs? in chel câs, no jerial miôr meti il non furlan?).
Sul fat di Buie, dopo mai che a cuestionin par vê l'J ricognossût ancje in maniere uficiâl, ma pal moment ti sigure che je dome un impontâsi di bende lôr a scrivi Buje: nol è just e par conferme va a viodi tal pdf de grafie uficiâl dal Olf, l'osservatori che al à metût neri su blanc lis regulis ancje par scrivi i nons dai paîs.
Alore, prepariti che ti rivin tal curtil une cincuantine di cartei (o visi ancje i CC cusi tu vas a insegna un tic di furlan in vie Spalato).
RispondiEliminaPar via dei Barazzi e via delle Tavelle Lunghe, lu vevi za dit, ancje un "talianist" come me ti da reson, però gambialis cumo mi somee un tic une c...