Vuê al Festival al è in program "Un Gjal pal Istât", il concors di cjant de Comunitât Colinâr. Ogni partecipant al è leât a di un dai 16 comuns dal comprensori e al ven judicât di une jurie fate dai sindics e di une jurie tecniche di esperts musicâi.No vino di fâ ancje noaltris une classifiche? Chei che usgnot a vadin, nus podaressin dâ la classifiche alternative, no?
E Bobby Solo ce us isal semeât? Jo o jeri vie e no ai podût lâ a viodi il conciert
RispondiEliminaE jerin 42 ains che me mari e spetave Bobby Solo a Majan, figurinsi se no lavin insieme...
RispondiEliminaAlore, par dile dute al 'e mior ch'o fasi un tic di cronache, sence ofeses e sence polemiches, ma dome disint ce che o pensi.
Dut al veve di taca aes 9, cussì e sin partides di cjase aes 8.30 parce che già quant che al ere stat Little Tony e sin restades freades e no lu vin nancje vedut di tante int che e jere… Invesite vinars e vin vut furtune e ‘e jerin in seconde file, cussì e vin podut ancje fa qualchi foto e un picul video…
Bon, lassin stà che musicute di sotfont che mi veve già stufat dopo cinc minus… spete che ti spete aes 9.30 si degnin di tacà i Ribelli… bon, in confront a le lor musiche, che atre di sotfont mi semeave une ninenane… Al sarà che o vevi i amplificators a cinc metros, ma les mes oreles e domandavin pietat dopo pos minus… Cumò no dis che no an sunat e cjantat ben, anzit, ma ce rase di musiche… un attentat ai miei timpanos in plene regule!!! Insome… e va indenant un’ore un poc cussì un poc culà… in framiec les cansons o sintivi pui di qualchidun ch’al veve voe di sintì Bobby e si lamentave… Bon, no sai nancje io cemut, ma che benedete ore finalmentri e passe e al rive lui. Ben, che ore e mieze in confront e je svuelade! Pecjat che ormai i mei timpanos e erin un tantin metus mal, ma bon, le prossime volte (simpri che an sei une atre) o impari e o stoi plui indaur.
Bobby al a cjantat les sos plui bieles cansons, oltre che a qualchidune di Elvis, ma si sa che lui al è el Elvis talian. No pensavi ch’al fos cussì simpatic, al à fate ancje qualchi batude (che però a tì ti vares fat vignì i pei dres, posto ch’al a dite che chì e sin in Venet… e mancumal che i soi e jerin di Triest o senò cui sa là ch’al diseve di sei…) e a chel poarin di tastieriste i domandave spes s’al veve fret (e ere proprit une criure di ches, ma amancul nol a plot…) ch’al ere nome cun che cjamesute e Bobby invesite cul gjubin… Al moment di cjantà le ultime di Sanremo al à ancje saludat Little Tony, al à dite che i a tabaiat di poc e che al stà une vore mior.
Come che ti ai dite, apene rivat lui el timp al è svuelat… pecjat nome che no si vedi podut domandai un autografo… magari al ere plui libar tes proves, ma va induvine tu quant che al rivave… Me mari e a dite che di zovin al veve une brute nomee, simpri in ritard o adiriture nancje nol rivave, ma si spere simpri che le etat dopo e puarti un poc di judisi… e cusì al semee ancje cun lui.
Mi è vignude tes oreles vue ancje un’atre robe, che mi a dulit un grum: ‘e an dite che al è rivat tart e al a cjantat mal parce che al ere cjoc (????)… Isal mica che ur a stat sul stomi al inizi di “Una lacrima sul viso” le batude “bon bon bon, un litro di chel bon”???… Si sa che chi e vin el vin bon, ma nol e dite che lu vedi bevut… Rivat in ritard no crot, parce che i vin domandat a Loris e nus a dite che prime che rivassin al veve già fat les proves. Po no crot che un se al è cjoc al rive a fa chei assolos cu le chitare (se t’us o ai ancje el video di fa viodi…) e cjantà ben; tu sintis se un al à le vos impastade. E se chei che lu an dite e son ancjemò fers al 1964 che pensin che a le so etat al podi cjantà come quant che al ere zovin… bon, beas lor!!! E po ancjemò: no pensi che dute che int là e sares restade a cjalalu se al ere cjoc par da bon, e sares lade vie subite. And ere proprite un grum a viodilu!!!
No par nestri cont e sin stades contentes ancje se el taldoman o vevi ancjemò les oreles e i pis mal metus… par chest no sin lades a viodi el Gial, ma o pensi che lu fasaran viodi su Telefriuli une sere come chei atris ains e lu viodarai alì.