A Aosta il tribunâl al à fat une condane par difamazion a un che al veve un blog. La sentence secont me e je viziade di une interpretazion no corete de normative su la editorie. No si pues pensâ che un che al vierç un blog al vedi la stesse responsabilitât di un diretôr di gjornâl par vie che cheste e je une iniziative libare che no à nissune carateristiche di professionalitât domandade a di un gjornâl: in pocjis peraulis un blog nol è un gjornâl. Ciert, chest nol significhe che e je une biele robe trai in maniere scorete ufindint la int e salacor platâsi daûr dal anonimât. E po prime di scrivi une porcarie al sarès ben savê che al baste visâ la polizie postâl e cuntune piçule ricercje (ven a stâi, no masse complicade di fâ par chei che a àn i imprescj) si rive a cjatâ fûr i IP ven a stai il codiç che al identifiche ogni computer e che al lasse il segn dal passaç intun sît o intun altri.Morâl de favule: disêt la vuestre opinion, ancje critiche, ma fasêtlu cun coretece e cence ufindi, cussì nissun al podarâ meti in discussion nancje il bon gust di chest spazi. Se po cualchidun distès al tache a scrivi malignitâts e peraulis difamatoriis, si cjaparà dutis lis conseguencis e cun di plui al dimostrarà trop triste che e pues jessi la int, soredut cuant che e pues fevelâ cence scugnî mostrâ la muse...
Ciert al è che la normative e varès di jessi plui clare...
Par savê alc di plui us consei di lei ancje achì.
Mandi Christian. Io o continui a lei simpri el to blog, ma spess no dis mai nie in merit... un poc parce che certes robes no les sai e quindi no ai voe di dì macacades, un poc parce che no mi plas el aiar di polemiche che al tire quasi simpri e o ai mior tasè cidine. Va ben dì les nestres idees, ma un ticut di rispiet al sta simpri ben par dut e par ducj...
RispondiEliminaA chest to post però o scuen rispuindi disinti che mi displasares se tu serasis el blog. "Volente o nolente" al è simpri un puest là che si sa ce che al sucet a Majan, nol interesse se vedut de bande di drete o di cjampe, posto che ducj e podin dì le lor, se e an voe... Io o vevi fat un picul sit, http://majano.altervista.org ma se nissun al da' une man o material io di plui no pues fa che meti a disposizion el me timp par falu un tic plui bielut e o ai tante pore che lu serarai parce che no ai nie ce meti dentri e al è inutil lassalu lì di bant.
Pal discors de legitimitat dal to blog, invesite, o vevi voe di diti chest: io par lavor o soi une vore su internet e o ai une vore di contats chi e là e dutes les mes cognosinces che e an un blog par sei cautelades e an metude in bande che scrite culì: "Disclaimer: Questo blog non è a scopo di lucro e non rappresenta una testata giornalistica in quanto viene aggiornato senza alcuna periodicità . Non può pertanto considerarsi un prodotto editoriale ai sensi della legge n. 62 del 7.03.2001. "
Prove pense se ti val le pene di metilu ancje tu... E se magari tu gjavis ancje le forme anonime un nol aprofite di stica bores cu le scuse che tant no si fas ricognosi (però come che tu as dite tu, cul IP nissun al è anonim sul web, quindi ocjo) e prime di dì alc al pense cent voltes.
Cheste chì e je dome le me idee, naturalmenti, sence nussune pretese. No ti varai dat un grant aiut, ma amantcul tu podis informati mior su che leç là e viodi se va ben ancje pal to blog.
Mandi mandi.
Mandi Donatella e grazie pai conseis
RispondiEliminaBulo Bertoldo. Tant di cjapiel. Viodistu che tu confermis la mê teorie: la int no je stupide come che cualchidun al pense. Pal discors de censure: jo no ai censurât propit nissun, mi soi dome mot come diretôr responsabil di une publicazion istituzionâl. Se o ves di tornâ indaûr o fasarès che distès. Ma chel episodi al è lât come che al è lât e par me e je aghe passade.
RispondiEliminaPal discors dai anonims pûrs ju ai lassâts parcè che internet no je inmò une robe li che ducj a son pratics: cussì un al pues scrivi e se al à voie al pues firmâsi tal messaç come che a àn fat plui di cualchidun. Se po no lu fasin, ben no pues condanâ nissun, però o scuen fâ presint ancje jo che il discors al devente un tic plui dificil di lei. Duncje: par plasê se no vês voie di regjistrâsi parcè che al è masse dificil (ma no pensi) par plasê lassait ancje dome une sigle o un sorenon sot di ogni coment. Grazie pe colaborazion!
La dittatura non accetta le critiche, ma le ascolta; la democrazia le accetta, ma non le ascolta.
RispondiEliminaMandi Bertoldo,
RispondiEliminano sai se la definizion che tu âs dât e je un reât, ma dal sigûr nus fâs cognossi plui ben il to stîl: compliments...
No met in discussion il to parê, ma la contrarietât a une sielte si pues manifestâle in maniere divierse cence scjadi come che tu âs fat tu.
No sta cjapate, ma cheste volte tu âs passât la linie...