tag:blogger.com,1999:blog-23688120.post6272657164632608326..comments2023-10-29T10:18:39.289+01:00Comments on UNE VÔS ZOVINE, UNE VÔS LIBARE<br>Il blog di Christian Romanini: Elio a la BitChristian Romaninihttp://www.blogger.com/profile/11522114381220826998noreply@blogger.comBlogger1125tag:blogger.com,1999:blog-23688120.post-19118924397039641372010-03-07T23:05:09.737+01:002010-03-07T23:05:09.737+01:00Zornadis flapis ae Borse Internazionâl dal Turisim...Zornadis flapis ae Borse Internazionâl dal Turisim di Milan<br /><br />FRIÛL, DUT PLEN A LA BIT<br /><br />Cu la pôre de crisi economiche al è daûr a tornâ il turisim religjôs<br />di Elio Varutti<br /><br />Il marcjât turistic al è flap. Si è podût tastâ cheste tindince ae Borse Internazionâl dal Turisim (Bit) di Milan, che si je davuelzude dal 18 al 21 di Fevrâr passât. Bit par inglês si dîs: “International Turism Exchange”.<br />Par fortune che il repart dal Friûl Vignesie Julie al jere simpri plen di visitadôrs. Par vie dai stuzighets cul persut di San Denêl, o par vie des Frecis Tricolôrs, presints tal paveon cuntun avion. No dismentein che si pues ofrî mâr, come Lignan, Grau e Sistiane, monts par lâ a skiâ e a fâ cjaminadis e agriturisim a manete.<br />La delusion di cualchi visitadôr pe Bit e je nassude pal fat che ni Londre, ni New York, ni altris biei pusescj dal mont a erin rapresentâts. Ce apontament internazionâl isal cence la Inghiltere o cence lis citâts americanis? Il biel al è che chest an al jere parfin lu inovâl de Bit, stant che e jere stade screade tal 1981. Cheste Borse e je daûr a lâ, duncje, pai trente agns. Lu an passât i visitadôrs a erin 150 mil (a erin 36 mil tal 1981). Lis nazions presentis a erin 130 e cinc mil lis realtâts gjeografichis vie pai paveons. Chest an a erin trê mil, plui o mancul.<br />Cu la crisi economiche cussì dongje, la Bit e à scugnût smicjâ dut sui laboratoris (“workshop” par inglês). A erin cuatri chei inmaneâts par cheste anade. Il prin al jere su lis tecnologjiis pal turisim. Un altri sul svagâsi tal aiar viert (“open air”) e lâ ator cuntune camionete pes vacancis. Il tierç al jere su la enogastronomie e il cuart e ultin su lis formis di turisim spirituâl e motivazionâl. Propri il Friûl al è metût ben par chei che a àn voie di torzeonâ a pîts pes malghis e caseris, lant a viodi vacjis, cjavris, pioris o i animâi dal bosc. Dopo i turiscj che a àn il plasè di gustâ e bevi une buine tace, culì a si cjatin une vore ben. Ducj i furlans – par ultin – a son braurôs dai santuaris che a son ator pe nestre tiere. Ce che al vel clamât turisim religjôs. Pensin ae Madone dal Lussari, ae Isule di Barbane e ae badie di Siest, dongje di San Vît dal Tiliment. Chescj lûcs a son la ponte di diamant dal turisim religjôs di chenti.<br />Chest contribût al è stât prontât dopo che lu autôr al à fevelât cui students dai cors di Tecnics dai Servizis Turistics, dut un cui professôrs di Economie e tecniche de aziende turistiche dal Istitût Statâl pe Istruzion Superiôr “Bonaldo Stringher” di Udin, stant che si jere in visite di istruzion ae Bit.Christian Romaninihttps://www.blogger.com/profile/11522114381220826998noreply@blogger.com