tag:blogger.com,1999:blog-23688120.post114703347836306215..comments2023-10-29T10:18:39.289+01:00Comments on UNE VÔS ZOVINE, UNE VÔS LIBARE<br>Il blog di Christian Romanini: Pre Bepo Marchet: 23_07_1902 - 08_05_1966Christian Romaninihttp://www.blogger.com/profile/11522114381220826998noreply@blogger.comBlogger2125tag:blogger.com,1999:blog-23688120.post-6067425942161173462007-11-06T07:53:00.000+01:002007-11-06T07:53:00.000+01:00Sul MV MARTEDÌ, 09 MAGGIO 2006 Pagina 9 - Speciali...Sul MV <BR/><BR/>MARTEDÌ, 09 MAGGIO 2006<BR/> <BR/>Pagina 9 - Speciali<BR/> <BR/>Intes peraulis di pre Meni Zanier il ricuart dal om e dal predi che nus lassave cuarante agns indaûr<BR/> <BR/>«Vuê al coventarès tant pal so ecuilibri: Marchet al jere un che al tignive in stangje i valôrs di fonde»<BR/> <BR/>Lis batais di pre Bepo Marchet pe fede, culture e autonomisim<BR/> <BR/> <BR/> <BR/> <BR/>Par ricuardâ Josef Marchet, nassût ai 23 di Lui dal 1902 e mancjât ai 8 Mai dal 1966, o sin stâts a fevelâ cun Domeni Zannier a Cjasesole di Majan, li che al vîf il nestri poete, leterât, insegnant e om di grande culture, candidât par ben dôs voltis tai agns Otante al premi Nobel pe leterature.<BR/>– A son 40 agns che al mancje pre Bepo Marchet; se al podès fâi Lui une domande bot e sclop, ce i domandaressial dopo 40 agns che no si viodês?<BR/>«Ce ti parial dal Friûl di vuê? Tu che tu lu âs insumiât intun ciert mût, aial puartât indevant ce che tu tu pensavis che al puartàs indevant o isal lât pai trois?».<BR/>– Voaltris doi o vês condividût un moment storic impuartanton pe rinassite dal Friûl dopo de vuere: ce aiar jerial in chei agns?<BR/>«Chei agns a jerin come une ete adolessensiâl dal Friûl, une Primevere: un moment li che si cjatave inmò alc di crei, ma si tacave ancje a viodi a svilupâsi i prins butui di un gnûf Friûl. O jerin ducj plui idealiscj. Si pensave in tiermins di aspirazion, cuntun spirt diviers, un entusiasim e une voie di fâ che nus puartave a crodi intun Friûl che al podeve jessi difarent di ce che al jere stât».<BR/>– Ce mancjal di chei agns in dì di vuê?<BR/>«Cualchi aspetative no si è dal dut realizade, ma ce che al mancje pardabon vuê al è chel spirt ideâl. In chei agns si lavorave ducj cence seconts fins, cun dut che la clime no jere par nuie favorevul: si cjatavisi a confrontâsi cuntune politiche che no capive i dirits dai Furlans. La nestre anime di popul, la nestre culture, la nestre lenghe no jerin acetadis e al jere il risi di jessi mangjâts di une culture taliane che no tignive cont de realtât de nestre regjon. Chenti la int e je di culture sedi furlane sedi taliane. Di simpri la nestre e je une culture di popui, che no pues no visâsi ancje de culture dai paîs confinants: no si pues acetâ un fanatisim furlan che nol ten cont di cheste realtât di confin e di convivence ancje cui popui todesc e slâf. Marchet al veve za marcât che il Friûl nol podeve sierâsi, ma al veve di vierzisi e lâ dacuardi cui popui e cu lis culturis confinantis».<BR/>– Cence il rûl de Glesie, ce saressial stât de cuestion furlane?<BR/>«Pôc e nuie. Ancje in altris tieris, a son stâts i predis in gran part a dismovi i popui e lis cussiencis, par vie che dome lôr a jerin inlidrisâts te societât e a cognossevin pardabon la int. Pal passât o podìn ricuardâ Jaroni Sini, che al à scrit il sonet in laude de lenghe furlane, o Vuarneri di Dartigne: a jerin predis. O ancje la nobiltât. Chestis dôs classis sociâls a vevin une consapevolece de grandece de culture e de storie dal Friûl. Il popul, magari cussì no, al veve di scombati par vuadagnâsi di vivi. E je ancje stade une classe di inteletuâi, ma plui leade ae Italie come cussience culturâl e linguistiche e dut câs elitarie. Ma a jerin i predis, che a cognossevin ben il popul».<BR/>– E dal om Bepo Marchet, ce ricuart aial?<BR/>«Di une persone fuarte che si scjaldave ma e veve la sô ironie; e po al jere un bon om, e umil».<BR/>– Ce confront vevial cun lui: ce volevial dî contindi, resonâ cun lui?<BR/>«Lui al veve chescj concets ben clârs e definîts: il sens de autonomie, il rispiet dai popui di dongje e une critiche fuarte al nazionalisim talian. Par lui chescj concets a jerin vite e no un esercizi di retoriche».<BR/>– Trop coventaressial un come pre Bepo in dì di vuê?<BR/>«Al coventarès tant pal so ecuilibri: Marchet al jere un che al tignive in stangje i valôrs di fonde, cence pierdisi vie. No crôt che si sarès lassât tirâ dentri intune autarchie furlane culturâl e materiâl. Lui al jere consapevul de grandece de culture dal Friûl, ma al jere viert e convint che la specialitât dal nestri Friûl, no veve (e no à nancje vuê) di jessi un limit, un sierâsi».<BR/>– In chescj agns si è tant scrit, fevelât e ricuardât di pre Bepo: isal alc inmò tasût che al à voie di dî?<BR/>«In lui a convivevin sedi l’om di Glesie che al veve di ponisi in posizion di critiche cuintri cierts ecès de societât, sedi un spirt libar, che no i à dât cualchi problemut cu la autoritât eclesiastiche. Cheste sô libertât inteletuâl no lave tant dacuardi cu la cuintri-riforme e l’antimodernisim di chei agns. Il dut si è risolt cul Concili Vatican II (sierât tal 1965), ma lui nol à podût gjoldilu par tant».<BR/>– Ce disaressial pre Bepo di chest Friûl, che tal 1976 al à scugnût passâ ancje pal montafin dal taramot?<BR/>«I sarès dal sigûr displasût un ciert egoisim, un individualisim che al è vignût fûr ta chescj ultins agns. Al jere un che al cjalave lontan e no i piçui interès dal singul».<BR/>– I plasaressial?<BR/>«Dal sigûr no i sarès plasude la cuintriposizion che si viôt tra furlans, impegnâts dispès plui a barufâsi che no a strussiâ pe cause comune. Lui nol jere par un associazionisim di maniere, ma tal stes timp al voleve tignî dongje la int intun sisteme plui larc».<BR/>– In ce si fondie la ereditât inteletuâl di Marchet?<BR/>«Si pues cjatâle tai siei scrits, salacor marcant i concets che ancje culì o vin ricuardât».<BR/>– Cui in dì di vuê le aie cjapade sù pardabon?<BR/>Al è une vore dificil cjatâ un erêt pre Bepo. Ma cjalant il patrimoni spirituâl, inteletuâl e culturâl che nus à lassât si pues dî che i depositaris des sôs ideis o sin ducj noaltris furlans di vuê, che o vin di cjapâ sù i siei principis morâi e fâju deventâ no materie di museu, ma nestre semence di vite».<BR/><BR/>Christian RomaniniChristian Romaninihttps://www.blogger.com/profile/11522114381220826998noreply@blogger.comtag:blogger.com,1999:blog-23688120.post-1147154197980944772006-05-09T07:56:00.000+02:002006-05-09T07:56:00.000+02:00Sul Messaggero Veneto di vuê (toc de Regjon, pagji...Sul Messaggero Veneto di vuê (toc de Regjon, pagjine 9: Marilenghe) e je la interviste che o ai fat a Meni Zannier, che o ringrazii, par ricuardâ Josef Marchet. Mi plasarès sintî i vuestris coments...Christian Romaninihttps://www.blogger.com/profile/11522114381220826998noreply@blogger.com